Telegram 2024 yilda 1 milliard dollar daromad qildi
Messenjer asoschisi Pavel Durovga ko‘ra, 2024 yilda Telegram ilk marta daromadga chiqib, kripto-aktivlarni hisobga olmaganda yilni 500 mln dollardan ortiq naqd pul zaxirasi bilan yakunlamoqda. Kompaniya oxirgi 4 yilda 2 milliard dollarga yaqin qarzlarini yopgan.

Foto: BeinCrypto
2024 yilda Telegram messenjeri o‘zining 3 yillik monetizatsiyasi davomida ilk marta daromadga chiqdi, deya ma’lum qildi messenjer asoschisi Pavel Durov.
«Telegram Premium obunachilari soni uch barobar ko‘payib, 12 milliondan oshgan. Reklamadan foydalarimiz ham bir necha marta oshdi. Natijada 2024 yilda Telegramʼning umumiy daromadi 1 milliard dollardan oshdi va kripto-aktivlarni hisobga olmaganda, yilni 500 million dollardan ortiq naqd pul zaxirasi bilan yakunlaymiz», — degan Durov.
So‘nggi to‘rt yilda Telegram 2 milliard dollarlik qarzlarini yopgan. Ularning katta qismi joriy yil kuzda chiqarilgan Telegram obligatsiyalari hisobiga qoplangan.
Monetizatsiyadan maqsad — biz uchun foydalanuvchilar asosiy prioritet bo‘lishini kafolatlashdir, deydi Pavel Durov.
Pavel Durov avgust oyining oxirida Parij aeroportida qo‘lga olingandi. U uyushgan jinoyatchilik bilan bog‘liq jinoyatlarda, jumladan, giyohvand moddalar va bolalar pornografiyasini tarqatishda ishtirok etganlik hamda vakolatli organlarga ma’lumot berishdan bosh tortganlikda ayblangan edi. Hibsga olinganidan keyin bir necha kun o‘tgach, Durov garov evaziga qo‘yib yuborildi.
Ayni vaqtda Durovga Fransiyani tark etish taqiqlangan. Keyinroq Pavel Durov messenjer foydalanish shartlari va maxfiylik siyosati o‘zgarganini, ushbu siyosatni buzganlarning telefon raqamlari va IP-manzillari qonuniy talablarga javoban tegishli organlarga oshkor etilishini ma’lum qilgan.
Shuningdek, xalqaro nashrlar messenjer nafaqat Fransiya, balki boshqa davlatlar bilan hamkorlik qilib, ularning huquq-tartibot idoralari so‘roviga ko‘ra ma’lumotlarni taqdim qila boshlaganini yozdi.
Tavsiya etamiz
Isroil eronliklar tuzumga qarshi isyon ko‘tarishiga umid qilmoqda. Buning ehtimoli bormi?
Jahon | 20:00 / 17.06.2025
Hozirda sirtqi ta’limda o‘qiyotganlar o‘qishini qay tartibda davom ettiradi?
O‘zbekiston | 11:14 / 17.06.2025
Qo‘rquv, shok va sarosima: Eronda nimalar bo‘lmoqda?
Jahon | 19:57 / 16.06.2025
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
So‘nggi yangiliklar
-
Rossiya Finlandiya chegarasi yaqinida qo‘shinlarini ko‘paytirmoqda – OAV
Jahon | 23:56 / 18.06.2025
-
XAEA rahbari Eron yadro quroli ishlab chiqarayotganiga hech qanday dalil yo‘qligini aytdi
Jahon | 23:26 / 18.06.2025
-
Shavkat Mirziyoyev «Oltin bel» cho‘qqisidagi tog‘-chang‘i kurorti loyihasi bilan tanishdi
Jahon | 23:06 / 18.06.2025
-
Eronda internetga kirish cheklab qo‘yildi
Jahon | 22:21 / 18.06.2025
Mavzuga oid

12:39 / 11.06.2025
Telegram FSB bilan aloqa haqidagi ayblovlarga javob qaytardi

17:30 / 04.06.2025
Rasmlarni HD formatda yuborish, audio xabarlarni kesish va kanallar bilan muloqot – Telegram’da yangilanishlar

19:19 / 28.05.2025
Telegram'ga Ilon Maskning Grok sun’iy intellekti integratsiya qilinadi

23:21 / 24.05.2025