Navoiyda pora olgan IIB xodimi ozodlikdan mahrum qilindi
Navoiy viloyati IIB Tezkor qidiruv xizmatining Kiberxavfsizlik bo‘linmasi katta tezkor xodimi kartasidagi pulini o‘g‘irlatgan fuqarodan pora tariqasida 600 dollar olgan vaqtda ushlangan. U ushbu pulni fuqaroning kartasidagi pulni kim yechib olganini aniqlab berish evaziga so‘ragan. Sud sobiq “oper”ni 3 yilga ozodlikdan mahrum qildi.

Foto: Videodan kadr
Navoiyda fuqarodan pora olgan IIB xodimi jinoiy jazoga tortildi. Kun.uz sud hujjati bilan tanishdi.
Sud hukmida keltirilishicha, 1988 yilda tug‘ilgan X.M. 2011 yildan IIV tizimida, 2023 yil 11 fevraldan Navoiy viloyat IIB Tezkor qidiruv xizmati Kiberxavfsizlik bo‘linmasi katta tezkor vakili lavozimida ishlab kelgan.
Karmanada yashovchi fuqaro plastik kartasidagi 62 mln so‘m pulini o‘g‘irlatgan. U ichki ishlar organiga murojaat qilganida, X.M. garchi bunday holatlarni fosh etish bevosita xizmat vazifasiga kirsa-da, pulni kim yechib olganini aniqlab berish evaziga 600 dollar so‘ragan.
2024 yil 11 iyun kuni X.M. jabrlanuvchidan so‘ralgan pul mablag‘ini olgan vaqtida DXX va departament xodimlari tomonidan tezkor tadbirda ashyoviy dalillar bilan qo‘lga olingan.
X.M. sudda aybiga to‘liq iqrorlik bildirgan hamda sodir etgan qilmishidan chin ko‘ngildan pushaymon ekanini aytib, suddan ozodlikdan mahrum qilish bilan bog‘liq bo‘lmagan jazo tayinlashni so‘ragan.
Sud hukmi bilan X.M. Jinoyat kodeksining 210-moddasi (pora olish) 1-qismida nazarda tutilgan jinoyatni sodir qilishda aybli deb topilgan. Unga 2 yil IIV tizimida ishlash huquqidan mahrum etgan holda 3 yil muddatga ozodlikdan mahrum qilish jazosi tayinlangan.
Tavsiya etamiz
“O‘rgimchak to‘ri”: Ukraina qo‘lidagi kartalardan birini ochdi
Jahon | 21:12 / 04.06.2025
Dunyoda faqat bir mamlakat o‘zini oziq-ovqat bilan to‘liq ta’minlashi ma’lum bo‘ldi
Jahon | 18:47 / 04.06.2025
Islandiya sobiq prezidenti milliy bog‘ga gid bo‘lib ishga joylashdi
Jahon | 21:25 / 03.06.2025
Urushlar endi o‘zgacha: «O‘rgimchak to‘ri» operatsiyasi haqida
Jahon | 22:27 / 02.06.2025
So‘nggi yangiliklar
-
Putin va Tramp Ukraina atrofidagi vaziyatni muhokama qildi – Kreml
Jahon | 23:40 / 04.06.2025
-
«Pautina» operatsiyasi: Rossiya qanday javob beradi?
Jahon | 22:38 / 04.06.2025
-
Nexia ostida qolgan ayol, 361 kg eshak go‘shti va korrupsioner hokim yordamchilari - 4 iyun yangiliklari
O‘zbekiston | 22:31 / 04.06.2025
-
Putin yaqinda aerodromlarga uyushtirilgan hujumlarga javob qaytarishga majburligini aytdi – Tramp
Jahon | 22:24 / 04.06.2025
Mavzuga oid

08:37 / 26.05.2025
Ichki ishlar organlariga ishga kiritib qo‘ymoqchi bo‘lgan shaxslar ushlandi

20:04 / 22.05.2025
Xorazmda soliq inspektoriga, Qashqadaryoda esa sud ekspertiga nisbatan jinoyat ishi qo‘zg‘atildi

22:18 / 14.05.2025
“170 dona 200 so‘mlik” - Navoiyda pensiyaning bir qismi tangada to‘lanayotgani aytilyapti

13:30 / 07.05.2025