Qoʻshimcha funksionallar
-
Tungi ko‘rinish
Germaniyada koronavirusga qarshi yangi choralar kuchga kirdi
Poyezdlar va shaharlararo avtobuslarda endi oddiy niqob emas, balki FFP2respiratorlarini taqish shart. Germaniyada yangi qoidalar koronavirus bilan kasallanishning ortishi fonida kuchga kirdi.

Foto: AA
Germaniyada 1 oktyabr, shanba kuni koronavirusga qarshi yangi choralar kuchga kirdi. Poyezdlar va shaharlararo avtobuslarda endi oddiy tibbiy niqoblar emas, balki FFP2respiratorlari kiyish talab etiladi. Mintaqaviy transportda qoidalar hudud organlari tomonidan belgilanadi. Federal yerlar sog‘liqni saqlash vazirlari avtobus va poyezdlarda niqob rejimini saqlash tarafdori bo‘lib turibdi. Shu bilan birga, samolyotlarda niqob taqish rejimi bekor qilingan.
1 oktyabrdan boshlab butun Germaniya bo‘ylab klinikalar, tibbiy amaliyotlar, qariyalar uylari va boshqa sog‘liqni saqlash muassasalariga tashrif buyurganlar FFP2 respiratorlaridan foydalanishi majbur bo‘ldi. Kasalxonalar va qariyalar uylariga kirish qo‘shimcha ravishda koronavirusga musbat test natijasini talab qiladi va ushbu muassasalarda ishlaydigan xodimlar haftada bir necha marta testdan o‘tkazilishi kerak.
Federal hukumat va hududlar epidemiologik himoya to‘g‘risidagi qonunga qo‘shimcha o‘zgartirishlar kiritish orqali yangi qoidalar to‘g‘risida kelishib oldi. Aks holda, koronavirusga qarshi barcha cheklovlar sentabr oyi oxirida tugashi kerak edi.
Qonunga kiritilgan o‘zgartirishlarda, shuningdek, federal yerlar, masalan, do‘konlar va restoranlarda niqob rejimini yoki maktablar va bolalar bog‘chalarida testlarni joriy qilish orqali choralarni kuchaytirish huquqiga ega ekanligi aytiladi. Maktablarda niqob rejimiga qaytish istisno qilinmayapti, bu faqat beshinchi sinfdan boshlab va agar to‘liq kunlik ta’limni saqlab qolish uchun zarur bo‘lsa, amalga oshiriladi.
Shu bilan birga, Germaniyada koronavirus bilan kasallanish holatlari soni o‘sishda davom etmoqda. 1 oktyabr kuni ertalab infeksiya darajasi har yuz ming aholiga 497 tani tashkil etdi. Bir kun avval bu ko‘rsatkich 466 tani, bir hafta oldin esa 308 ta holatni tashkil qilgan edi. Bunday ma’lumotlar Robert Kox instituti (RKI) tomonidan taqdim etilgan. Shu bilan birga, mutaxassislarning fikricha, haqiqiy infeksiya darajasi ancha yuqori, chunki statistikada faqat PZR test bilan tasdiqlangan holatlar hisobga olinadi. Biroq, barcha infeksiyalangan odamlar ham bunday testni topshirmaydi.
Tavsiya etamiz
Yevropa Ittifoqining 18-sanksiyalar paketi Rossiyaga qanday ta’sir qiladi?
Jahon | 23:12 / 21.07.2025
Uy sotib olishda aldanib qolmaslik uchun nimalarga e’tibor qilish kerak?
Ko‘chmas mulk | 16:30 / 21.07.2025
Super-kontraktni bo‘lib-bo‘lib to‘lash mumkinmi?
Ta’lim | 11:29 / 21.07.2025
Davlat OTMga qabul kvotalari tasdiqlandi
Ta’lim | 11:09 / 21.07.2025
So‘nggi yangiliklar
-
Eron davlat xodimlarining iPhone’lari Isroil bilan urush oldidan kiberhujumga uchradi – OAV
Jahon | 22:18
-
Farg‘onada shifokor adashib bemorning sog‘lom oyog‘ini kesib tashladi
Jamiyat | 21:52
-
Ukraina va Rossiya delegatsiyalari shu hafta Istanbulda uchrashishi kutilmoqda
Jahon | 21:43
-
O‘zbekistonda iPhone narxlari qimmatlashdi. Nega?
Iqtisodiyot | 21:38
Mavzuga oid

13:53
Germaniya va Norvegiya Ukraina uchun havo mudofaasiga birgalikda to‘laydi

07:36
Bundestag doimiy kiberhujumlar haqida ma’lum qildi

13:00 / 21.07.2025
Germaniyada o‘zbekistonlik yoshlar kasblarga o‘qitilishi kutilyapti

12:11 / 21.07.2025