Dehlida Toshkent tibbiyot akademiyasi vakolatxonasi ochildi

Dehlida Toshkent tibbiyot akademiyasi (TTA) vakolatxonasi ochildi, deb xabar bermoqda “Dunyo”.

Foto: Dunyo

Xorijiy mamlakatlardagi ushbu vakolatxona TTA tarixida birinchi bo‘lib, u akademiyaning Hindistonda oliy tibbiy ta’limni tashkil etish, mehnat bozorida talab yuqori bo‘lgan tibbiyot mutaxassislarini tayyorlash bo‘yicha o‘quv rejalari va dasturlarini ishlab chiqish, ilg‘or tibbiyot muassasalarida TTA rahbariyati va professor-o‘qituvchilari uchun malaka oshirish va stajirovkalar uyushtirish bo‘yicha manfaatlarini himoya qiladi.

Vakolatxona faoliyati doirasida TTA talabalarining Hindiston yetakchi tibbiyot markazlarida amaliyotini tashkil etish rejalashtirilgan. Hindistondan taniqli o‘qituvchilarni taklif etish orqali akademiya pedagogik salohiyatini rivojlantirishga maksimal darajada ko‘maklashishga e’tibor qaratiladi.

Kelgusida Toshkent tibbiyot akademiyasining Janubiy Koreya, Turkiya va Polshada vakolatxonalarini ochish rejalashtirilgan.

#Dehli #tibbiyot