Qoʻshimcha funksionallar
-
Tungi ko‘rinish
Ko‘kdaladagi portlash, Qoraqalpog‘istonda anomal harorat va Mirobodda ushlangan podpolkovnik – mahalliy dayjest
Mamlakat bo‘ylab yana harorat ko‘tarilmoqda, Xo‘jayli tumanidagi barcha davlat maktabgacha ta’lim muassasalari vaqtincha yopildi, Qashqadaryoda gaz to‘ldirish stansiyasida portlash yuz berdi, OAVlar O‘zkomnazorat nazoratiga o‘tadi. Kun davomida Kun.uz yoritgan shu va boshqa muhim mahalliy yangiliklar bilan tanishtiramiz.

Mirobodda IIB podpolkovnigi pora bilan ushlandi
Toshkent shahar Mirobod tumani ichki ishlar bo‘limi podpolkovnik unvonidagi xodimi ayblanuvchining qarindoshidan 18 ming dollar pora olgan. U jinoyat ishi qo‘zg‘atilgan shaxsga nisbatan qo‘llangan qamoq ehtiyot chorasini yengillashtirib berishni va’da qilgan. Ammo va’dasini bajara olmay, pulning bir qismini qaytarayotgan paytda ushlangan. Hozirda unga nisbatan tergov harakatlari olib borilmoqda.
Jazirama bog‘chalarni yopishga sabab bo‘ldi
17–19 iyul kunlari O‘zbekistonga janubdan juda issiq havo oqimi kirib kelishi kutilmoqda. Harorat ko‘p joylarda +40…+43 darajagacha, ayrim cho‘l hududlarda esa +45 darajagacha ko‘tariladi. Shamol tezligi sekundiga 13–18 metrgacha yetishi, chang-to‘zonlar kuzatilishi mumkin.
Shu bois Qoraqalpog‘iston Respublikasining Xo‘jayli tumanidagi barcha davlat maktabgacha ta’lim muassasalari 16–18 iyul kunlari vaqtincha yopiladi.
Qashqadaryoda «gaz zapravka» yondi
Ko‘kdala tumanining Yettitom shaharchasi Oltindala mahallasidagi gaz quyish shoxobchasida portlash sodir bo‘ldi. Kun.uz kuzatuvchilarining so‘zlariga ko‘ra, portlash va yong‘indan keyin alanga o‘nlab metr balandlikka ko‘tarilgan. Voqea joyiga favqulodda vaziyatlar vazirligining tegishli bo‘linmalari yetib borgan. Soat 17:30 holatiga jabrlanganlar haqida ma’lumot berilmagan.
Axborot nazorati O‘zkomnazoratga o‘tkazildi
Faoliyati yakunlangan Axborot va ommaviy kommunikatsiyalar agentligining axborot sohasidagi nazorat va monitoring vazifalari O‘zkomnazoratga o‘tkazildi. Shuningdek, AOKA huzuridagi Ommaviy kommunikatsiyalar markazi va Madaniyat va san’atni rivojlantirish jamg‘armasi Prezident administratsiyasi tarkibiga o‘tkazildi.
Qo‘shma mashg‘ulot: Rossiya harbiylari Termizda
14 iyuldan boshlab «Hamkorlik-2025» qo‘shma harbiy mashg‘ulotlari start oldi. O‘zbekiston va Rossiyaning 400 nafarga yaqin harbiylari, shu jumladan, maxsus bo‘linmalar 10 kun davomida «Termiz» poligonida mashg‘ulotlar olib borishadi. Mashg‘ulotlar davomida shartli dushmanga qarshi kurash, chegarani himoya qilish va maxsus operatsiyalarni birgalikda olib borish ko‘zda tutilgan.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Nemislarning deyarli yarmi hukumat faoliyatidan norozi
Jahon | 08:22
-
Egasiz ko‘chmas mol-mulkni davlat mulkiga o‘tkazish tartibi tasdiqlanadi
Ko‘chmas mulk | 07:55
-
Germaniya IIV Rossiya fuqarolariga gumvizalar berish to‘xtatilganini tasdiqladi
Jahon | 07:53
-
Budjet tashkilotlari pulidan qurilish loyihalarini amalga oshirish tizimi o‘zgaradi
O‘zbekiston | 07:40
Mavzuga oid

23:53 / 25.07.2025
Qo‘riqxonada davom etayotgan yong‘in, «Ishdagi ishq» mojarosi, Navoiyni zaharlayotgan korxonalar – mahalliy dayjest

21:15 / 24.07.2025
Yakuniga yetgan imtihonlar, Chorvoq va Sheroboddagi o‘rmon yong‘inlari – mahalliy dayjest

00:06 / 24.07.2025
Senatning yangi tizimga e’tirozi, 103 xizmatida yangilik, hokimlarga yangi o‘rinbosar – mahalliy dayjest

22:54 / 22.07.2025