Myanmada harbiylar koronavirusni fuqarolarga qarshi qo‘llashda ayblandi
“Vaxpual” taxallusli myanmalik jurnalist Time nashri uchun yozgan maqolasida Myanmada fevralda hokimiyatni egallab olgan harbiylarni mamlakat fuqarolariga qarshi koronavirusni qo‘llashda aybladi.

Foto: Reuters
“Davlat to‘ntaruvi yetakchisi Min Aung Xlaing o‘zini bosh vazir deb e'lon qilgan 1 avgustdagi nutqida harbiylar hokimiyatiga qarshi chiqayotgan namoyishchilarni ataylab koronavirus tarqatishda aybladi. Biroq aynan generallar koronavirusni qurolga aylantirdi. Ular bu pandemiyani matonat bilan qarshilik ko‘rsatayotgan aholini nazorat qilish vositasiga aylantirdi”, deb yozgan jurnalist o‘z maqolasida.
“Vaxpual” harbiylarni tibbiy xodimlarga hujum qilishda va ularning faoliyatiga to‘sqinlik qilishda ayblagan. Jurnalist JSSTning ma'lumotlariga tayanib, mamlakatda 150dan ko‘proq shifokor va hamshiralar hibsga olingani, 240 tibbiy xodim esa hujumlar qurboniga aylanganini ta'kidlab o‘tgan.
Jurnalistning ta'kidlashicha, uning ona shtati Chinda harbiylar tibbiy xodimlar ishiga to‘sqinlik qilib, ularni pandemiyadan jabr ko‘rgan qishloqlardagi kasallar oldiga qo‘ymayapti.
Avvalroq BMTda Myanma koronavirusning supertarqatuvchisiga aylanishi mumkinligi aytilgandi.
Mavzuga oid

17:47 / 30.05.2025
Nigeriyada jangarilarga qurol sotib kelgan askarlar ushlandi

15:15 / 17.05.2025
Ukrainaga halok bo‘lgan 909 harbiyning jasadi qaytarildi

14:23 / 17.05.2025
AQSh Yevropadagi qo‘shinlari sonini kamaytirishni ko‘rib chiqmoqchi

18:09 / 07.04.2025