AQSh Yevropadagi qo‘shinlari sonini kamaytirishni ko‘rib chiqmoqchi

16 may, juma kuni AQShning ittifoqdagi doimiy vakili Mettyu Uitakerning aytishicha, AQSh NATOning Haagadagi iyundagi sammitidan so‘ng yevropalik ittifoqchilar bilan Yevropadagi harbiy ishtirokini qisqartirish masalasi bo‘yicha muzokaralar boshlaydi. "Hamma narsa tartibga solinadi, biz bu masalada boshqa kechikishlarga toqat qilmaymiz. Biz faqat amaliy oqibatlarni muhokama qilishimiz kerak", dedi u Estondagi xavfsizlik konferensiyasida.

Uitakerning aytishicha, Vashington xavfsizlik bo‘yicha bo‘shliqlarga yo‘l qo‘ymaslik uchun ittifoqchilar bilan qo‘shinlar darajasidagi har qanday o‘zgarishlarni muhokama qiladi. Shu bilan birga, AQSh NATOni tark etish niyatida emas va yevropalik hamkorlar «30 yildan ortiq vaqt davomida Yevropadagi harbiy ishtirokini qisqartirishni istagan» Amerikaning rejalari bilan yaxshi tanish», — deya siyosatchining so‘zlaridan iqtibos keltiradi Reuters.

Fevral oyida AQSh vitse-prezidenti Jey Di Vens NATO davlatlari harbiy xarajatlarni oshirishi kerakligini aytdi. Prezident Donald Tramp, agar yevropaliklar mudofaa xarajatlarini YaIMning 5 foizigacha oshirmasa, AQShning alyansning kollektiv mudofaa tizimidagi ishtirokini to‘xtatish bilan tahdid qildi.

Mart oyi o‘rtalarida Pentagon rahbari Pit Xegset tomonidan imzolangan hujjat AQSh Mudofaa vazirligida tarqaldi, unda Xitoy «vazirlik diqqat markazida bo‘lgan yagona tahdid», Tayvanga bostirib kirish ehtimoli boshqa potensial xavflardan ustun bo‘lishi kerak bo‘lgan ssenariy sifatida tavsiflanadi, deb yozadi The Washington Post. Xegsetning topshirig‘ida, shuningdek, Vashingtonning NATO ittifoqdoshlari Rossiya, Shimoliy Koreya va Eron tahdidlariga qarshi turishda yetakchi rol o‘ynashga chaqiriladi.