IIV xorijiy jurnalistni yolg‘on ma'lumot tarqatishda aybladi

O‘zbekiston ichki ishlar vazirligi axborot xizmati polshalik jurnalist Agneshka Pikulitskani tvitterdagi sahifasida «aslida ro‘y bermayotgan voqealarni yoritib kelish»da ayblab, bayonot berdi.

«Xorijiy jurnalistning milliy qonunchilikka rioya etmasligi mumkinmi?» sarlavhasi bilan e'lon qilingan bayonotda xalqaro jurnalist Toshkentda noma'lum shaxslar tomonidan do‘pposlangan bloger Miraziz Bazarov atrofida sodir bo‘layotgan voqealarga noxolis yondashgani qayd etilgan.

«Biz e'tiborni 2021 yilning fevral oyidan buyon O‘zbekiston Respublikasi Tashqi ishlar vazirligidan akkreditatsiyadan o‘tib O‘zbekistonda faoliyat yuritayotgan «Al Jazira» muxbiri Agneshka Pikulitskaga qaratmoqchimiz. Jurnalist, joriy yilning 29 martdan boshlab Miraziz Bazarov atrofida bo‘layotgan voqealarga noxolis yondashib, o‘zining Twitter ijtimoiy tarmog‘idagi sahifasida aslida ro‘y bermayotgan voqealarni yoritib kelmoqda», deyiladi bayonotda.

IIV jurnalistning bir nechta tvitlari tarjimasini keltiradi.

«Mening yigitimni maxsus xizmatlar so‘roq qilishyapti, (u jurnalist emas, faol emas, faqat kecha men bilan bolnitsada bo‘lgan). Bu noto‘g‘ri yo‘l. Hurmatli maxsus xizmatlar, sizlar odamlarga o‘ldirish bilan tahdid qilayotgan, radikallar bilan ishni hal eting», deyilgan 29 mart kuni yozilgan tvitlardan birida.

My boyfriend is now being questioned by the security services (he is not a journo/activist but he was with me in the hospital yesterday). That's quite an unfortunate move. Dear security services, you better go after the radicals who are sending ppl death threats #Uzbekistan

— Agnieszka Pikulicka (@Aga_Pik) March 29, 2021

«Maxsus xizmatlar geylarni faol qidirishmoqda. Odamlarning rasmlarini ko‘rsatib, ularni geylikda gumonlashyapti.

Odamlarga LBGT jamoasi haqida ma'lumot tarqatish haqida bosim o‘tkazishyapti. Ertaga boshqalar ham so‘roq qilinadi. Bu yangi O‘zbekiston».

The security services are now actively searching for gay men. Showing pictures of individuals they suspect of being gay and putting immense pressure on people to give away info about the LGBT community. More people will be questioned tomorrow. This is the new #Uzbekistan.

— Agnieszka Pikulicka (@Aga_Pik) March 29, 2021

«Men bilaman, Maxsus xizmatlar mening do‘stlarimdan geylar haqida so‘rashyapti. Men xorijlik bo‘lganim uchun meni so‘roqqa chaqirishmadi. Ishoning, bu yalmog‘izlarga ov!»

I don’t think that the security’s are looking for gays. The people whose brains are filled with propaganda are looking for them. The person who organized the meeting of Anime and K-Pop fans was beaten. He had conflict with several Uzbek bloggers those were saying complete

— Mur. (@mor_adel_) March 29, 2021

«Men, uning (Miraziz Bazarov — tahr.) provokatsiyalari haqida bilaman. Lekin bu uning oyog‘ini sindirishga bahona emas. Uning gapiga biz shubha bilan qaraymiz. Endi, barcha shifoxonaga borib undan xabar olgan odamlar LBGT jamoasiga aloqadorligi bo‘yicha savol tug‘ilmoqda. Mening yigitim sinib qaytib keldi», deyilgan 30 mart kuni yozilgan yana bir xabarda.

Agneshka Pikulitska 31 martdagi tvitida unga qarshi qilingan tahdidlar skrinshotini e'lon qiladi:

«Menga ham tahdidlar kela boshladi. Hozirgi kunda hukumatning rasmiy siyosati shunaqa odamlarni qo‘llab-quvvatlashi sharmandalik… Bu odamlar nazoratdan chiqib ketsa, bu sizning aybingiz bo‘ladi. Bunga siz javobgarsiz».

Threats started coming my way too. Very sorry to see that the official government policy these days is to empower people like Mr Ilhom Abdullaev. Once these people get out of control, it will be your fault. And your responsibility #Uzbekistan pic.twitter.com/itaGsHSbuw

— Agnieszka Pikulicka (@Aga_Pik) March 31, 2021

«Niqoblangan holdagi shaxsiy adovati yoki hissiyotini bayon etayotgan mazkur jurnalist, ma'lumotlarni go‘yoki O‘zbekistonda ro‘y berayotgan „salbiy axborot“ sifatida bir qator xorijiy internet nashrlariga tarqatgan.

Vaholangki, ushbu ma'lumotlar haqiqatga mutlaqo mos kelmaydi hamda mamlakatimizning huquqni muhofaza qiluvchi organlarini obro‘sizlantirishga qaratilganligining yaqqol misoli.

Muxbir Agneshka Pikulitska o‘zi tayyorlayotgan materiallarining to‘g‘ri yoki noto‘g‘ri ekanligini tekshirishi va xolis axborot taqdim etishi majburiyatini unutib, axborotni buzib talqin etib va soxtalashtirib tarqatgan. Shuningdek, ommaviy axborot vositalari erkinligini suiiste'mol qilgan», — deyiladi IIV bayonotida.

Shu bilan birga, ushbu jurnalist o‘z harakatlari bilan, O‘zbekiston Respublikasining «Jurnalistlik faoliyatini himoya qilish to‘g‘risida»gi qonuni 6-moddasi, «Axborot erkinligi prinsiplari va kafolatlari to‘g‘risida»gi qonuni 7-moddasi hamda «Ommaviy axborot vositalari to‘g‘risida»gi qonuni 6-moddasi talablarini buzgani ta'kidlangan.

«Haqiqatga to‘g‘ri kelmaydigan axborotni tarqatib, fuqarolarimizning ongini chalg‘itish, davlat organlari faoliyatiga nisbatan ishonchsizlik uyg‘otish hamda xorijiy ommaviy axborot vositalariga noxolis ma'lumotlar yetkazib, yurtimiz haqida salbiy fikr shakllanishiga sababchi bo‘lishdan bu ayolga nima naf?» — deya yakunlanadi IIV bayonoti.

Agneshka Pikulitska bunga javoban 2 aprel kuni tvitterdagi sahifasida «agar aybdor bo‘lsa sud oldida javob berishga tayyorligi, aks holda vazirlik undan uzr so‘rashini talab qilishi»ni ma'lum qildi.

Yesterday’s attack on me by the Ministry of Internal Affairs of #Uzbekistan is an attempt to discredit me as a journalist. If my work really violated 3 articles of the media law, I want to stand trial. If not, I demand public apology from the Ministry @k_allamjonov.

— Agnieszka Pikulicka (@Aga_Pik) April 2, 2021