ИИВ хорижий журналистни ёлғон маълумот тарқатишда айблади

Ўзбекистон ички ишлар вазирлиги ахборот хизмати польшалик журналист Агнешка Пикулицкани твиттердаги саҳифасида «аслида рўй бермаётган воқеаларни ёритиб келиш»да айблаб, баёнот берди.

«Хорижий журналистнинг миллий қонунчиликка риоя этмаслиги мумкинми?» сарлавҳаси билан эълон қилинган баёнотда халқаро журналист Тошкентда номаълум шахслар томонидан дўппосланган блогер Миразиз Базаров атрофида содир бўлаётган воқеаларга нохолис ёндашгани қайд этилган.

«Биз эътиборни 2021 йилнинг февраль ойидан буён Ўзбекистон Республикаси Ташқи ишлар вазирлигидан аккредитациядан ўтиб Ўзбекистонда фаолият юритаётган «Аль Жазира» мухбири Агнешка Пикулицкага қаратмоқчимиз. Журналист, жорий йилнинг 29 мартдан бошлаб Миразиз Базаров атрофида бўлаётган воқеаларга нохолис ёндашиб, ўзининг Twitter ижтимоий тармоғидаги саҳифасида аслида рўй бермаётган воқеаларни ёритиб келмоқда», дейилади баёнотда.

ИИВ журналистнинг бир нечта твитлари таржимасини келтиради.

«Менинг йигитимни махсус хизматлар сўроқ қилишяпти, (у журналист эмас, фаол эмас, фақат кеча мен билан больницада бўлган). Бу нотўғри йўл. Ҳурматли махсус хизматлар, сизлар одамларга ўлдириш билан таҳдид қилаётган, радикаллар билан ишни ҳал этинг», дейилган 29 март куни ёзилган твитлардан бирида.

My boyfriend is now being questioned by the security services (he is not a journo/activist but he was with me in the hospital yesterday). That's quite an unfortunate move. Dear security services, you better go after the radicals who are sending ppl death threats #Uzbekistan

— Agnieszka Pikulicka (@Aga_Pik) March 29, 2021

«Махсус хизматлар гейларни фаол қидиришмоқда. Одамларнинг расмларини кўрсатиб, уларни гейликда гумонлашяпти.

Одамларга ЛБГТ жамоаси ҳақида маълумот тарқатиш ҳақида босим ўтказишяпти. Эртага бошқалар ҳам сўроқ қилинади. Бу янги Ўзбекистон».

The security services are now actively searching for gay men. Showing pictures of individuals they suspect of being gay and putting immense pressure on people to give away info about the LGBT community. More people will be questioned tomorrow. This is the new #Uzbekistan.

— Agnieszka Pikulicka (@Aga_Pik) March 29, 2021

«Мен биламан, Махсус хизматлар менинг дўстларимдан гейлар ҳақида сўрашяпти. Мен хорижлик бўлганим учун мени сўроққа чақиришмади. Ишонинг, бу ялмоғизларга ов!»

I don’t think that the security’s are looking for gays. The people whose brains are filled with propaganda are looking for them. The person who organized the meeting of Anime and K-Pop fans was beaten. He had conflict with several Uzbek bloggers those were saying complete

— Мур. (@mor_adel_) March 29, 2021

«Мен, унинг (Миразиз Базаров — таҳр.) провокациялари ҳақида биламан. Лекин бу унинг оёғини синдиришга баҳона эмас. Унинг гапига биз шубҳа билан қараймиз. Энди, барча шифохонага бориб ундан хабар олган одамлар ЛБГТ жамоасига алоқадорлиги бўйича савол туғилмоқда. Менинг йигитим синиб қайтиб келди», дейилган 30 март куни ёзилган яна бир хабарда.

Агнешка Пикулицка 31 мартдаги твитида унга қарши қилинган таҳдидлар скриншотини эълон қилади:

«Менга ҳам таҳдидлар кела бошлади. Ҳозирги кунда ҳукуматнинг расмий сиёсати шунақа одамларни қўллаб-қувватлаши шармандалик… Бу одамлар назоратдан чиқиб кетса, бу сизнинг айбингиз бўлади. Бунга сиз жавобгарсиз».

Threats started coming my way too. Very sorry to see that the official government policy these days is to empower people like Mr Ilhom Abdullaev. Once these people get out of control, it will be your fault. And your responsibility #Uzbekistan pic.twitter.com/itaGsHSbuw

— Agnieszka Pikulicka (@Aga_Pik) March 31, 2021

«Ниқобланган ҳолдаги шахсий адовати ёки ҳиссиётини баён этаётган мазкур журналист, маълумотларни гўёки Ўзбекистонда рўй бераётган „салбий ахборот“ сифатида бир қатор хорижий интернет нашрларига тарқатган.

Ваҳолангки, ушбу маълумотлар ҳақиқатга мутлақо мос келмайди ҳамда мамлакатимизнинг ҳуқуқни муҳофаза қилувчи органларини обрўсизлантиришга қаратилганлигининг яққол мисоли.

Мухбир Агнешка Пикулицка ўзи тайёрлаётган материалларининг тўғри ёки нотўғри эканлигини текшириши ва холис ахборот тақдим этиши мажбуриятини унутиб, ахборотни бузиб талқин этиб ва сохталаштириб тарқатган. Шунингдек, оммавий ахборот воситалари эркинлигини суиистеъмол қилган», — дейилади ИИВ баёнотида.

Шу билан бирга, ушбу журналист ўз ҳаракатлари билан, Ўзбекистон Республикасининг «Журналистлик фаолиятини ҳимоя қилиш тўғрисида»ги қонуни 6-моддаси, «Ахборот эркинлиги принциплари ва кафолатлари тўғрисида»ги қонуни 7-моддаси ҳамда «Оммавий ахборот воситалари тўғрисида»ги қонуни 6-моддаси талабларини бузгани таъкидланган.

«Ҳақиқатга тўғри келмайдиган ахборотни тарқатиб, фуқароларимизнинг онгини чалғитиш, давлат органлари фаолиятига нисбатан ишончсизлик уйғотиш ҳамда хорижий оммавий ахборот воситаларига нохолис маълумотлар етказиб, юртимиз ҳақида салбий фикр шаклланишига сабабчи бўлишдан бу аёлга нима наф?» — дея якунланади ИИВ баёноти.

Агнешка Пикулицка бунга жавобан 2 апрель куни твиттердаги саҳифасида «агар айбдор бўлса суд олдида жавоб беришга тайёрлиги, акс ҳолда вазирлик ундан узр сўрашини талаб қилиши»ни маълум қилди.

Yesterday’s attack on me by the Ministry of Internal Affairs of #Uzbekistan is an attempt to discredit me as a journalist. If my work really violated 3 articles of the media law, I want to stand trial. If not, I demand public apology from the Ministry @k_allamjonov.

— Agnieszka Pikulicka (@Aga_Pik) April 2, 2021