Buyuk Britaniyada 100 yoshga chiqqan fuqarolar soni rekord darajani qayd etdi

O‘tgan yil yakunlariga ko‘ra, Buyuk Britaniyada 100 yoshli kishilar soni rekord darajani qayd etgan. Bu haqda Birlashgan Qirollik Milliy statistik xizmati xabar bergan.

Ayni vaqtda Buyuk Britaniyada jami bo‘lib 14,5 ming nafar 100 yoshdan o‘tgan kishi bor. 2002 yil bilan taqqoslaganda 1 asr ko‘rgan britaniyaliklar soni 2 barobar oshgan.

"Birlashgan qirollikda 90 yoshdan oshgan kishilar soni yarim million. Bu yosh toifasida 100 erkakka 240 ayol to‘g‘ri keladi", deyishgan mutaxassislar.

Mamlakatda 105 yoshdan ulug‘lar soni ham keyingi 20 yillikda o‘sgan va ayni vaqtda bu toifaga kiradigan qariyalar soni - 850 nafar.

Keyingi an'analar shuni ko‘rsatmoqdaki, Buyuk Britaniyada aholining keksayishi kuzatilmoqda. 1974 yildani buyon buyuk britaniyaliklarning o‘rtacha yoshi 33,9 yoshdan 40 yoshgacha o‘sdi. Immigratsiyaga qarshi kurashayotgan bo‘lsada, Buyuk Britaniya aholisi 65 millionga yetdi.