Чет тилида айрим махсус фанларни ўқитган ўқитувчилар 100 фоизгача устама олиши мумкин

Аввалги тартиб бўйича сертификат талаби мавжуд эмас эди ҳамда устамани 25 фоиздан 40 фоизгача бериш мумкин эди.

Фото: Kun.uz

Ҳукуматнинг 2025 йил 12 июндаги 362-сонли қарори билан 29.09.1994 даги 409-сонли қарорга ўзгартириш киритилди.

Унга кўра, давлат бюджети маблағлари ҳисобидан молиялаштириладиган олий таълим муассасаларида хорижий тиллар бўйича B2 ва ундан юқори даражадаги миллий ёки халқаро сертификатга эга бўлган профессор-ўқитувчилар таркибига (чет тиллари, хорижий филология, чет тили ва таржима йўналишларининг касбий ва махсус фанлари ўқитувчилари бундан мустасно), шу жумладан меҳнатга соатбай ҳақ тўлаш шартларида ўқув машғулотлари ўтказаётганларга, чет тилида айрим махсус фанларни ўқитганлик учун, фанни ўқитиш курсининг давомийлиги ва чет тилини ўқитиш касб маҳоратига қараб, базавий маошнинг 25 фоизидан 100 фоизигача миқдорда устама белгиланади.

#ўқитувчи #устама