Қўшимча функционаллар
-
Тунги кўриниш
Kun.uz’нинг расмий Telegram каналидаги ножоиз рекламалар юзасидан обуначиларга мурожаат
Сўнгги пайтларда Telegram'да муайян ўзгаришлар бўлди: канал эгаларининг иштирокисиз уларнинг каналларида рекламалар кўрсатилмоқда. Бу рекламаларнинг айримлари – ички кийимлар, шубҳали молиявий таклифлар ва бошқа ножоиз эълонлардан иборат. Обуначиларимизга шуни маълум қиламизки, бошқа каналлар қатори Kun.uz'нинг ҳам расмий каналларида кўзга ташланаётган Telegram рекламаларини биз назорат қила олмаймиз.

Фото: Kun.uz
Мессенжер томонидан автоматик кўрсатиладиган бу рекламаларнинг Kun.uz таҳририятига ҳеч қандай алоқаси йўқ. Биз уларнинг обуначиларимизга кўрсатилишини чеклаш имкониятига эга эмасмиз. Бу рекламалар фақатгина Telegram Premium обуначиларига кўринмайди.
📌 Kun.uz'нинг расмий рекламалари билан Telegram рекламасини қандай ажратиш мумкин?
Kun.uz томонидан жойланадиган реклама постларида қуйидагилар бўлади:
🔹 Пост охирида “Реклама” белгиси бўлади;
🔹 Контент матни, услубияти ва дизайни Kun.uz саҳифаларига хос бўлади;
🔹 Маҳсулот ёки хизмат ҳақида аниқ, очиқ-ойдин маълумот бўлади;
🔹 Реклама эълонлари Kun.uz саҳифаси дизайнига мос сурат ёки видеоролик билан чиқади;
🔹 Барча обуначиларга (шу жумладан Telegram Premium аъзоларига ҳам) бир вақтда кўринади;
🔹 Канал лентасида доимий қолади.
Фото: Kun.uz’нинг расмий Telegram каналидан скриншот
Telegram'нинг ўз реклама дастури доирасидаги эълонларда эса:
🔻 Кўпинча пост юқориси ёки пастида “Sponsored” деб ёзилади.
🔻 Пост матни Kun.uz услубидан кескин фарқ қилади.
🔻 Шубҳали маҳсулотлар, номаълум хизматлар таклиф этилиши мумкин.
🔻 Улар каналдаги охирги постдан кейин (баъзан постлар орасида ҳам) пайдо бўлади ва фойдаланувчининг жойлашуви ёки қизиқишларига асосланган бўлиши мумкин;
🔻 Барча обуначиларга бир вақтда кўринмаслиги мумкин;
🔻 Канал лентасида сақланмайди.
Kun.uz ўз обуначиларининг ишончини қадрлайди ва ҳар қандай контентда қонунийлик ва ижтимоий масъулият тамойилларига амал қилади. Шу сабаб қадриятларимизга мос келмайдиган реклама постлари юзасидан сизни огоҳлантиришни зарур деб билдик.
Агар расмий ҳамкорлик асосидаги рекламаларимиз ҳақида саволларингиз бўлса, биз билан боғланишингиз мумкин: info@kun.uz
Реклама бўлимининг телефон рақами: +998781137733
Ҳурмат билан,
Kun.uz таҳририяти
Тавсия этамиз
Навбатдаги чўпчак: Ўзбекистонда криптовалюта “қазиб олувчи” ускуна ижарасидан даромад олиш таклиф этилмоқда
Жамият | 20:37 / 14.07.2025
Тошкентда пиёдаларга йўл бермаган ҳайдовчиларни қайд этувчи камералар ишга туширилди
Жамият | 17:45 / 14.07.2025
Тошкентда ЙПХ ходими хизмат машинасида мотоциклчи билан пойга ўйнади
Ўзбекистон | 17:53 / 12.07.2025
Жар ёқасидаги соҳа: Муаммолар кўрсатилди, вазирлар эса жим
Ўзбекистон | 16:43 / 12.07.2025
Сўнгги янгиликлар
-
Ўзбекистон ҳудудига жуда иссиқ ҳаво оқими кириб келади, Etihad Airways Ўзбекистонга парвозларни йўлга қўяди — маҳаллий дайжест
Ўзбекистон | 00:06
-
14 июлда ўтган тест синови натижалари эълон қилинди
Ўзбекистон | 23:48 / 15.07.2025
-
Трамп Зеленский Москвага ҳужум қилмаслиги кераклигини айтди
Жаҳон | 23:36 / 15.07.2025
-
Google нейротармоғи ютқазиш қўрқуви сабаб шахмат ўйнашдан бош тортди
Фан-техника | 23:22 / 15.07.2025
Мавзуга оид

14:34 / 09.07.2025
“Даволовчи” билакузуклар: шифоми ёки реклама тузоғи?

16:07 / 03.07.2025
Рақобат қўмитаси Kia Sonet рекламасидаги қонунбузилиш сабаб Roodell'ни жаримага тортди

12:38 / 23.06.2025
Тўрт нафар инстаблогерга онлайн қимор ўйинларини реклама қилгани учун чора кўрилди

16:17 / 03.05.2025