Трамп: АҚШ Хитой билан нодир металлар бўйича шартнома тузди

АҚШ президенти Доналд Трамп 11 июн, чоршанба куни Хитой билан савдо музокараларидаги ўзгариш ҳақида эълон қилди, хусусан, Пекин дунёдаги энг йирик иқтисодиётни «магнит ва унга керак бўлган ҳар қандай нодир ер элементлари» билан таъминлайдиган янги шартнома тузилганини таъкидлади.

Нодир тупроқ элементлари турли юқори технологияли саноатнинг калитидир ва Хитой уларнинг дунёдаги асосий етказиб берувчисидир. Бу келишув икки иқтисодий куч ўртасидаги савдо муносабатларидаги кескинликни камайтиришга қаратилган қадам бўлиши мумкин, деб ёзади AFP.

Битим Лондондаги икки кунлик музокаралар натижаси бўлиб, унда нодир тупроқ элементлари экспорти асосий мавзу эди. Трампнинг айтишича, ҳали ўзи ва Хитой раҳбари Си Жинпинг томонидан якуний тарзда тасдиқланиши керак бўлган келишув хитойлик талабаларга АҚШ коллежларида ўқишни давом эттиришга рухсат берувчи бандни ўз ичига олади.

«Хитой билан келишувимиз раис Си ва мен томонидан якуний маъқуллангандан сўнг амалга оширилади. Магнитлар ва зарур бўлган ҳар қандай нодир металлар Хитой томонидан олдиндан етказиб берилади. Бунинг эвазига биз Хитойга келишилган нарсаларни, жумладан, хитойлик талабаларга бизнинг коллеж ва университетларимизда ўқиш имкониятини тақдим этамиз (мен ҳар доим рози бўлганман!) Биз тарифларнинг 55 фоизини оламиз, Хитой 10 фоизини», - деб ёзди Трамп ўзининг Truth Social платформасида.