Миллий иқтисодий ҳамкорлик уюшмасига раис тайинланди

Ўзбекистон Миллий иқтисодий ҳамкорлик уюшмаси раҳбарияти тайинланди.

Фото: Ўзбекистон Миллий иқтисодий ҳамкорлик уюшмаси

"Давлат бошқаруви" канали хабарига кўра, Фаррух Фахриддинович Фазлиев Ўзбекистон Миллий иқтисодий ҳамкорлик уюшмаси раиси лавозимига тайинланди.

Шунингдек, Гулбаҳор Баҳодировна Тожимирзаева Миллий иқтисодий ҳамкорлик уюшмаси раиси ўринбосари лавозимини эгаллади.

Мирзамурод Зоҳиджонович Дадажонов ҳам Миллий иқтисодий ҳамкорлик уюшмаси раис ўринбосари этиб тайинланди.

Маълумот учун, уюшма раиси лавозимини эгаллаган Фаррух Фазлиев 1980 йил Самарқанд вилояти Ургут туманида туғилган, Самарқанд давлат тиббиёт институти, Тошкент давлат иқтисодиёт университетини тамомлаган.

У Ўрмон хўжалиги давлат қўмитаси Кадрларни тайёрлаш ва ўрмон хўжалигини ривожлантириш илмий асосда ташкил этиш бўлими бошлиғи, қўмита Халқ истеъмоли товарлари ишлаб чиқариш бошқармаси бошлиғи, қўмитанинг Ўрмон маҳсулотларини ишлаб чиқариш ва экспортни ташкил этиш бошқармаси бошлиғи сифатида фаолият юритган.

#Фаррух Фазлиев #Ўзбекистон Миллий иқтисодий ҳамкорлик уюшмаси #Гулбаҳор Тожимирзаева #Мирзамурод Дадажонов