Сурия расмийлари: Асад даврида 8 млн киши кузатув остида бўлган

Башар Асаднинг махсус хизматлари мамлакат аҳолисининг учдан бир қисмини кузатган, деб хабар берди Суриянинг янги расмийлари.

Фото: Omar Snandiki / AP

Сурия президенти Башар Асад ҳукмронлиги даврида мамлакат махсус хизматлари саккиз миллионга яқин одам устидан кузатув олиб борган, қидирган ёки маълумотлар йиғган, деб хабар берди 25 май, якшанба куни янги ҳукумат ички ишлар вазирлиги.

«Гап махсус хизматлар ва бошқа идоралар маълумотга эга бўлган Сурия халқининг деярли учдан бир қисми ҳақида кетмоқда», — дея идора вакилининг сўзларидан иқтибос келтиради dpa агентлиги. Унга кўра, саккиз миллиондан ортиқ одам сиёсий сабабларга кўра махсус хизматларнинг кузатувига тушган. Бу кўпинча «терроризмда» айбланган, ҳибсга олинган, қамоққа ташланган ёки кузатув остида бўлган намойишчилар ва режим мухолифларига тегишли.

Кўп одамлар назорат остида бўлганликларини фақат назорат-ўтказиш пунктларида қўлга олинганда ёки мамлакатни тарк этишга уринганларида билган, деди Сурия ҳукумати расмийси.

2024 йил охирида Суриядаги мухолифатнинг «Ҳайъат Таҳрир аш-Шом» (ҲТШ) бошчилигидаги қуролли кучлари мамлакатнинг йирик шаҳарларини, жумладан, пойтахт Дамашқни ҳам эгаллаб, диктатор Башар Асад режимини ағдаришга муваффақ бўлди. У отаси билан Сурияни ярим асрдан ортиқ бошқарган. Асаднинг ўзи ва оиласи Россияга қочиб кетди.

#Сурия #Башар Асад #кузатув