Қўшимча функционаллар
-
Тунги кўриниш
Яксон қилинмаган, лекин жиддий зарар — Пентагон Эронга қарши операция тафсилотларини очиқлади
Эроннинг ядро объектларига қарши ўтказилган «Midnight Hammer» операциясида В-2 бомбардимонлари тўғридан тўғри АҚШдан учиб келган ва 75 та юқори аниқликдаги бомбалардан фойдаланилган. Доналд Трампдан фарқли ўлароқ, ҳарбийлар ҳужум натижасида Фордодаги чуқур мустаҳкамланган объект бутунлай йўқ қилинмаганини тан олди. «Бу миссия Эронда режимни ўзгартиришни мақсад қилмаган», деди Пентагон раҳбари Пит Ҳегсет.

Пентагон расмийси генерал Ден Кейн / Alex Brandon/Associated Press
22 июн куни АҚШ мудофаа вазири Пит Ҳегсет ва Бирлашган Штаб бошлиқлари қўмитаси раиси генерал Ден Кейн Пентагонда АҚШнинг Эронга берган зарбалари бўйича брифинг ўтказди.
New York Times нашрининг ёзишича, Ҳегсет нутқини президент Трампни мақташ билан бошлаган ва унинг бу ҳарбий операциясини «жасоратли ва ажойиб» деб атади.
«Тунги болға» операцияси
Пит Ҳегсетнинг сўзларига кўра, АҚШнинг Эронга берган зарбалари «чалғитиш усули» (misdirection) билан амалга оширилган. Бу эҳтимол, Трамп ҳарбий аралашувга икки ҳафта ичида қарор қилиши мумкин, деган Оқ уй баёнотига ишора бўлиши мумкин.
Брифингда энг муҳим масала — Фордога қанча зарар етказилгани ва президент Трамп ишлатган «ер билан яксон қилинди» ифодасининг ҳақиқатга қанчалик яқин экани бўлди.
Генерал Кейн Эронга қарши операциянинг номи «Midnight Hammer» — «Тунги болға» бўлгани ва жуда махфий ўтказилганини айтди.
«Юқори даражадаги махфий миссия бўлиб, Вашингтонда уни фақат жуда озчилик билган», дея операцияни таърифлади генерал.

Кейннинг айтишича, B-2 бомбардимончилари АҚШ ҳудудидан ҳавога кўтарилган ва 18 соатлик парвоз давомида нишонларга етиб борган. «Midnight Hammer» операциясида жами 75 та юқори аниқликдаги қуроллар, шу жумладан, 14 та GBU-57 турдаги Massive Ordnance Penetrator бомбалари ишлатилган. Форс кўрфазидаги АҚШ Ҳарбий-денгиз флоти сувости кемаси ҳам операция доирасида 24 та Tomahawk ракетасини учирган.

Шунингдек, АҚШ қирувчи самолётлари Эроннинг ҳаво мудофаа тизимларига ҳам ҳужум қилган. Генерал Кейн Тинч океани устидан учган айрим B-2 самолётлари чалғитувчи ҳаракат бўлганини тан олди.
Брифинг чоғида генерал Ден Кейн Эрон томонидан B-2 бомбардимончиларига ёки уларни кузатиб юрган қирувчи самолётларга қарата бирорта ҳам ўқ отилмагани, ер-ҳаво ракеталари ҳам учирилмаганини қайд этди.
Яксон қилинган эмас, балки жиддий зарар
Генерал Кейннинг айтишича, операция оқибатларини якуний баҳолаш учун вақт керак бўлади. Бироқ дастлабки натижалар учала ядро объекти ҳам «жиддий зарар ва вайронагарчилик»ка учраганини кўрсатмоқда. Трампдан фарқли равишда, у генерал «яксон қилинди» сўзини ишлатмаган.
«Менимча, дастлабки зарар таҳлили (PDA) ҳали якунланмаган ва айни пайтда у ерда нима бор ёки йўқлиги ҳақида изоҳ бериш учун жуда эрта», - деди генерал Кейн Пентагонда журналистларга.

New York Times'нинг ёзишича, исми ошкор этилмаган юқори мартабали АҚШ расмийси B-2 ҳужуми Фордодаги чуқур мустаҳкамланган объектни бутунлай йўқ қилмаган, аммо унга жиддий зарар етказганини тан олди.
Генерал Кейннинг сўзларига кўра, бу АҚШ томонидан мустақил тарзда амалга оширилган бомбардимон бўлиб, Исроилнинг аввалги зарбаларидан стратегик жиҳатдан фойдаланган, бироқ операцияда Исроил қирувчи самолётлари иштирок этмаган.
«Чексиз уруш эмас»
АҚШ мудофаа вазири Ҳегсетга кўра, Трамп маъмурияти «Уруш ваколатлари тўғрисида»ги қонунга мувофиқ, самолётлар хавфсиз ҳудудга чиққач, Конгресс аъзоларини зарба берилгани ҳақида зудлик билан хабардор қилган.

Эрон бўйича зарба узоқ давом этадиган урушга айланиб кетмаслиги ҳақида берган саволга жавобан Пентагон раҳбари «Бу мутлақо чексиз уруш эмас», дея жавоб берди.
Al Jazeera нашрига кўра, генерал Яқин Шарқдаги АҚШ ҳарбий хизматчиларини Эроннинг мумкин бўлган жавобидан ҳимоя қилиш учун кўрилган чоралар ҳақида изоҳ беришдан бош тортган.
«Бизнинг қўшма ҳарбий кучимиз Қўшма Штатлар, ҳарбийларимиз ва минтақадаги манфаатларимизни ҳимоя қилишга доим тайёр», - деди у.
АҚШ Эрон режимни алмаштирмоқчи эмас
«Бу миссия — на илгари, на ҳозир режим ўзгариши билан боғлиқ эмас. Бу Эрон ядровий дастури томонидан АҚШ миллий манфаатларига туғдирилган таҳдидларни зарарсизлантиришга қаратилган аниқ мўлжалланган ҳарбий операция», деди Пентагон раҳбари.
Таъкидлаш жоизки, бир нечта халқаро экспертлар АҚШнинг Эрон ядровий дастури ҳақидаги таҳдид даъволарига шубҳа билан қарашмоқда. Эрон эса доимий равишда ядровий дастури фақат тинч мақсадларга қаратилганини билдириб келмоқда.

АҚШ мудофаа вазири Пит Ҳегсетнинг айтишича, у ҳануз Эрон «АҚШ талаблари бажарилиши учун қандай аниқ қадамлар кераклигини яхши билган ҳолда» музокараларга қайтишига умид қилмоқда.
«Мен фақат шуни тасдиқлай оламанки, ҳозирда Эронга турли каналлар орқали очиқ ва ёпиқ хабарлар етказилмоқда, уларга музокаралар столига қайтиш учун барча имкониятлар берилмоқда», - деди Ҳегсет журналистларга.
Генерал Кейн эса Эроннинг ядро салоҳияти бор-йўқлиги юзасидан: «Ҳозирча бу борада аниқ бир нарса дейиш учун эрта», - деб жавоб берди.
Мудофаа вазири Пит Ҳегсет Эроннинг ядро қуроли ишлаб чиқармоқчи бўлгани ҳақидаги махфий АҚШ разведка маълумотлари мавжудми, деган саволдан қочди.
Исроил Эронни зарбага учратганини айнан Теҳрон ядро қуролини «тезкор ишлаб чиқишга ҳаракат қилаётгани» билан изоҳлаган эди. Аммо АҚШ разведкаси бундай хулосага келмаган.
Тавсия этамиз
Соч тўкилиши, кўз ости қорайиши, лаб ёрилиши: тана тили бизни нималардан огоҳлантиради?
Жамият | 17:08 / 10.07.2025
Роман Старовойт – урушнинг курсидаги қурбони
Жаҳон | 22:00 / 08.07.2025
Қозоғистонда куйдирги тарқалди, икки қишлоқ карантинга олинди
Жаҳон | 17:57 / 08.07.2025
11 июлдан IELTS имтиҳонини қоғозда топшириш бекор қилинади
Ўзбекистон | 15:45 / 08.07.2025
Сўнгги янгиликлар
-
Ҳар якшанба кунлари Тошкентдан Малдивга тўғридан тўғри рейслар
Ўзбекистон | 09:00 / 11.07.2025
-
Тошкентда 7 нафар бола уйдаги ҳовузда чўкди
Ўзбекистон | 16:09
-
Нукус - Оқтов йўналиши бўйича мунтазам авиақатновлар йўлга қўйилди
Ўзбекистон | 15:55
-
Россияда Белгороддаги ўғирлик учун миллиард рубл ундирилмоқчи
Жаҳон | 15:49
Мавзуга оид

09:34
Зеленский: АҚШдан Украинага қурол етказиб бериш қайта тикланди

08:17
Трамп мис импортига 50 фоизлик божлар қачон жорий этилишини айтди

02:32
АҚШ Сенати қўмитаси Украинага 500 млн долларлик ёрдам ажратишни маъқуллади

19:55 / 11.07.2025