Қўшимча функционаллар
-
Тунги кўриниш
Римда АҚШ ва Эрон ўртасида ядровий дастур бўйича музокаралар бошланди
Эрон делегациясига ташқи ишлар вазири Аббос Аракчи, АҚШ томонига эса Трампнинг махсус вакили Стив Уиткофф бошчилик қилмоқда.
Фото: Getty images
Эрон ва АҚШ вакиллари ядровий дастур бўйича музокараларнинг бешинчи раундини бошлади, деб хабар беради ISNA агентлиги.
«Ташқи ишлар вазири Аббос Аракчи жума куни эрталаб Эрон ва АҚШ ўртасидаги билвосита музокараларнинг бешинчи раундида иштирок этиш учун расмий делегация билан Италияга жўнаб кетди ва кундузи шаҳарга етиб борди», — дейилади хабарда.
Эрон делегациясига Аббос Аракчи, АҚШ томонига эса президент Трампнинг махсус вакили Стив Уиткофф бошчилик қилмоқда. Эрон ТИВ вакили музокаралар бошланишидан олдин Теҳрон учрашувда санкциялар ва ядровий дастур бўйича АҚШ позициясига оид масалаларни кўтаришини маълум қилганди.
11 май куни Ўмонда икки мамлакат ўртасидаги билвосита музокараларнинг тўртинчи раунди бўлиб ўтди. Эрон ТИВ уни «мураккаб, аммо бир-бирини тушуниш учун фойдали» деб атади. ОАВнинг ёзишича, Теҳрон Вашингтонга уранни бойитиш бўйича минтақавий консорциум тузиш ғоясини тақдим этган — унинг таркибидан нафақат Эрон, балки Саудия Арабистони ва БАА ҳам ўрин олади. 13 май куни АҚШ музокаралар давом этаётганига қарамай, Теҳронга қарши янги санкциялар жорий этди. NBC Эрон чекловлар бекор қилиниши эвазига ядровий битим бўйича АҚШ шартларига рози бўлишга тайёрлигини маълум қилди.
