Макрон Россияга ўт очишни тўхтатишга рози бўлмаса, санкциялар билан таҳдид қилди

Франция президенти Эммануэл Макрон яқин кунларда Россия Украинада ўт очишни тўхтатишга рози бўлмаса ва унга риоя қилмаса, унга нисбатан санкциялар жорий этилишини айтди. Франция раҳбарининг сўзларини La Repubblica келтирмоқда.

Фото: REUTERS/Valentyn Ogirenko

Макрон Россияга қарши аллақачон «бир неча ўнлаб» санкциялар пакети жорий қилинганини таъкидлаб, «АҚШ билан келишилган ҳолда, яқин кунларда Россияга қарши санкциялар қўлламоқчимиз», деди.

Шу билан бирга, у музлатилган Россия активларининг хатловга олинишига қарши чиқди ва бунинг учун ҳеч қандай «ҳуқуқий база» йўқлигини таъкидлади.

Россия ва Украина ўртасида 15 май куни Истанбулда бўлиб ўтадиган музокараларни шарҳлар экан, у «Украинада хавфсизлигимиз ўртага тикилган. Биз қуруқликда, денгизда ва ҳавода 30 кун давомида ўт очишни тўхтатишни истаймиз», деб таъкидлади.

Макроннинг сўзларига кўра, украиналиклар Россия назорати остидаги барча ҳудудларни қайтариб ололмаслигини «аниқ тушунишади», бироқ «жанглар тугаши ва Украина музокараларни бошлаш учун энг яхши ҳолатда бўлиши керак», бу эса «ҳудудий масалаларни ҳал қилишга имкон беради».

Украинадаги ўт очишни тўхтатишга тўхталиб, Макрон «бузилиш бор ёки йўқлигини, қаерда ва қайси томондан эканлигини аниқлаш» учун унга риоя қилиниши АҚШ ва Европа томонидан, хусусан, сунъий йўлдошлар орқали кузатилишини айтди.

#санкция #Россия #Эммануэл Макрон

Ғарб ва Украина Россиядан 30 кунлик оташкесим эълон қилишни талаб қилди, Путин бунга жавобан Истанбулда Россия ва Украина ўртасида тўғридан тўғри музокараларни тиклашни таклиф этди.