Шаҳарларда йўл таъмирлаш ишлари фақат тунда амалга оширилади
1 июндан бошлаб Ўзбекистон шаҳарларида автомобил йўлларини таъмирлаш ёки йўл чизиқларини чизиш билан боғлиқ ишларни соат 07:00 дан 21:00 га қадар амалга оширишга йўл қўйилмайди. Дам олиш кунлари, шунингдек, кечиктириб бўлмайдиган алоҳида ҳолатлар бундан мустасно.

Фото: Kun.uz
Ўзбекистон президентининг матбуот хизмати ҳайдовчиларга қулайлик яратишга қаратилган яна бир янгиликни эълон қилди.
Унга кўра, 1 июндан бошлаб шаҳарларда автомобил йўлларини таъмирлаш ёки йўл чизиқларини чизиш билан боғлиқ ишларни соат 07:00 дан 21:00 га қадар амалга оширишга йўл қўйилмайди. Дам олиш кунлари, шунингдек, кечиктириб бўлмайдиган алоҳида ҳолатлар бундан мустасно.
“Таъмирлаш ва йўл чизиқларини янгилаш ишлари энди кундузи эмас, фақат кечаси – йўллардаги ҳаракат камайган вақтда амалга оширилади.
Бу ўзгариш фуқароларнинг кундалик ишга бориш-келиш, фарзандини мактабга олиб бориш ёки шифохонага етиб олишни осонлаштириш билан бир қаторда, тирбандликлар юзага келишини олдини олади”, – деди президент матбуот котиби Шерзод Асадов.
Аввалроқ радарлар 1 июндан бошлаб йўл чизиғини босганлик учун жарима ёзмаслиги хабар қилинганди.
Мавзуга оид

21:28 / 22.05.2025
Тошкентда йўловчилар автобус ҳаракатига тўсқинлик қилган автомобил ҳайдовчисини жазолади

23:55 / 17.05.2025
Тошкентда бир қатор кўчалар вақтинча ёпилади

08:34 / 17.05.2025
Тошкентда 96 маротаба қоидабузарлик содир этган ҳайдовчи аниқланди

18:39 / 16.05.2025