Трамп бойлар учун солиқни ошириш таклифини берди
АҚШ президенти бадавлат инсонлар учун солиқларни оширишга қарши чиқиш қилиб, биринчи президентлик даврида унинг ставкасини 37 фоизгача туширган эди. Энди эса у солиқ ставкасини 39,6 фоизга қайтаришни таклиф қилмоқда.

Фото: Getty images
АҚШ президенти Доналд Трамп 7 май куни Вакиллар палатаси спикери Майк Жонсонга йилига камида 2,5 миллион доллар ишлаб топадиган фуқаролар ёки йиллик даромади 5 миллион доллардан ошадиган оилавий жуфтликлар учун энг юқори солиқ ставкасини 37 фоиздан 39,6 фоизга оширишни таклиф қилди, деб хабар беради The New York Times.
Маълумотларга кўра, Трамп венчур фондлар ва хусусий инвестиция фонди менежерларига нисбатан қўлланиладиган фоизлар бўйича солиқ имтиёзларини бекор қилиш истагини яна бир бор билдирган.
Вакиллар палатаси Солиқ қўмитаси раиси Жейсон Смит 9 май куни Трамп билан учрашиб, солиқ қонун лойиҳаси президентнинг устувор йўналишларига мос келишини маълум қилади.
Трамп ўзининг биринчи президентлик муддати даврида «бойлар учун солиқ»нинг энг юқори ставкасини 39,6 фоиздан 37 фоизга қадар тушурганди. Ушбу ставка ҳозир ҳам амалда, фақат у йиллик даромади 626 минг 350 доллардан ошадиганларга тааллуқли.
Трампнинг таклифи солиқ имтиёзларини узайтириш тўғрисидаги қонун лойиҳаси муҳокамаси фонида янгради. Қонун чиқарувчилар бу имтиёзларнинг харажатларини қоплашга маблағ излаяпти, жумладан, паст даромадли америкаликлар учун мўлжалланган Медиcаид суғурта дастурини қисқартириш ҳисобига.
Дастлабки баҳолашларга кўра, бойлар учун янги солиқ ставкасининг жорий этилиши 10 йил давомида бюджетга қўшимча 67,3 миллиард доллар жалб этиш имконини беради.
АҚШ савдо вазири Говард Лютник Bloombergʼга берган баёнотида бойлар учун солиқларни ошириш, «ақлли» қадам эканини айтди. Бу Трампнинг меҳмонхона ходимлари ва кексалар учун солиқларни камайтиришга оид сайловолди ваъдаларини молиялаштириш учун кўпроқ маблағ ажратишга имкон беради.
Аввалроқ АҚШ президенти Доналд Трамп бадавлат америкаликларга солинадиган солиқ миқдорини оширишни «ўта фалокатли» деб атаганди.
Тавсия этамиз
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Исроил эронликлар тузумга қарши исён кўтаришига умид қилмоқда. Бунинг эҳтимоли борми?
Жаҳон | 20:00 / 17.06.2025
Ҳозирда сиртқи таълимда ўқиётганлар ўқишини қай тартибда давом эттиради?
Ўзбекистон | 11:14 / 17.06.2025
Қўрқув, шок ва саросима: Эронда нималар бўлмоқда?
Жаҳон | 19:57 / 16.06.2025
Сўнгги янгиликлар
-
Малайзия кўчмас мулк компанияси Ўзбекистонга инвестиция киритмоқчи
Иқтисодиёт | 16:00
-
“Режим қулашига тўғри келса, Москва ёрдамга келиши мумкин” – туркиялик таҳлилчи
Жаҳон | 16:00
-
Экспертлар: Исроилнинг Ғазога ёрдам олиб кетаётган кемага қарши ҳаракатлари халқаро қонунларга зиддир
Жаҳон | 15:45
-
Ўзбекистон бозорига Беларусдан мол гўшти мақбул нархларда етказиб берилиши мумкин
Иқтисодиёт | 15:34
Мавзуга оид

12:12
ОАВ: Трамп режани маъқуллаган, лекин Эронга зарба бериш бўйича якуний қарорга келмаган

21:35 / 18.06.2025
Трамп Эронга «сўнгги ултиматум» қўйди ва Путиннинг воситачилигини рад этди

10:10 / 18.06.2025
Трамп миллий хавфсизлик бўйича жамоаси билан йиғилиш ўтказди

23:48 / 17.06.2025