Ўзбекистон бўйича 1 май кунидан маҳалла раислари сайловлари бошланади

Сайлов 9 минг 452 та маҳаллада ўтказилади ва июль ойигача давом этади.

Фуқаролар йиғини раиси сайловларини ташкил этиш ва ўтказиш масалаларига бағишланган брифингда Ўзбекистон маҳаллалари уюшмаси ахборот хизмати раҳбари Жобир Асқаров ушбу жараён ҳақида маълумот берди.

Қайд қилинишича, 9 минг 452 та маҳаллада раис сайловлари 1 май кунидан бошланади.

«Фуқаролар йиғини раиси сайлови тўғрисида»ги қонунига киритилган ўзгартиш ва қўшимчаларга кўра, энди маҳалла фуқаролар йиғини раиси ваколат муддати 5 йил бўлади.

Таъкидланишича, сайлов ўтказиладиган кун, вақт ва жой ҳақидаги маълумотлар Ўзбекистон маҳаллалари уюшмасининг расмий веб-сайтига жойлаштирилади.

Май-июль ойларида бўлиб ўтадиган сайловларда ишчи гуруҳлар томонидан 208 та туман (шаҳар) кўмаклашувчи комиссияларнинг қарори билан маҳаллаларда вакиллар миқдори белгиланган. Сайловда 2 миллион 591 823 нафар вакил иштирок этиши кутилмоқда.

#сайлов #Ўзбекистон маҳаллалари уюшмаси #Маҳалла раиси