Японияда рекорд даражада қор: бир киши ҳалок бўлди, ўнга яқин одам жароҳатланди
Япония шимолида кетма-кет учинчи кун кучли қор ёғишда давом этмоқда. Баъзи ҳудудларда автомобил ва темирйўл транспорти тўхтатилди, мактаблар ёпилди.

Фото: STR/JIJI Press/AFP
Япония ҳукумати бош котиби Есимаса Ҳаясининг маълумотларига кўра, қор ёғиши оқибатида бир киши — 80 ёшли аёл вафот этди. У қор тозалаш пайтида йиқилган. Тўрт киши оғир аҳволда, яна беш киши енгил тан жароҳати олган. Уларнинг аксарияти музлаган йўлакларда сирпаниб йиқилган.
Биноларга зарар етди, 790 га яқин уй электр таъминотисиз қолди.

Ҳоккайдо префектурасида 130 дан ортиқ ички рейслар бекор қилинди. Бундан ташқари, Тоҳоку, Ҳокурику ва бошқа минтақалардаги аэропортлар фаолият кўрсатмаяпти. Япония ҳукумати вазият ривожланишини синчковлик билан кузатиб бормоқда ва фавқулодда хизматлар ҳаракатларини мувофиқлаштирмоқда.
Livedoor News портали хабарига кўра, 5 феврал куни эрталаб қор ёғиши ва йўлларнинг музлаши оқибатида 83 та йўл-транспорт ҳодисаси содир бўлган. Ходимлар ишга кела олмагани ва товарларни етказиб бериш жадваллари бузилгани сабабли 370 га яқин мактаб ва дўконлар ёпилган.
Япониянинг айрим ҳудудларида сешанба куни рекорд даражада — 129 сантиметр қор ёғди, бошқа жойларда эса қор қатламининг баландлиги 130 сантиметрдан ошиб кетди. Мамлакат метеорология хизматининг маълумотларига кўра, паст босим ҳафта охиригача қор бўронларини келтиришда давом этади. Ёғингарчилик билан бирга секундига 25 метргача етадиган кучли шамол эсмоқда.
Тавсия этамиз
Ўзбекистон Mobiuz компаниясини халқаро сотувга қўйди
Ўзбекистон | 23:10 / 09.06.2025
Тошкентда илк BRT тизими: у қандай кўринишда бўлади?
Ўзбекистон | 20:17 / 07.06.2025
Бир нечта ташкилотлар Enter Engineering компаниясини судга берди
Ўзбекистон | 17:39 / 07.06.2025
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Сўнгги янгиликлар
-
Сербия президенти уруш бошланганидан бери биринчи марта Украинага келди
Жаҳон | 14:05
-
Ҳиндистонда йўловчи самолёт қулади
Жаҳон | 14:03
-
🔴 LIVE: АҚШдаги можаро, Ғазодаги қамал ва Исроилга санкциялар – “Геосиёсат” мулоқоти
Жаҳон | 14:02
-
Сув хўжалиги соҳасидаги ҳуқуқбузарликлар тўғрисида видео юборганлар рағбатлантирилади
Ўзбекистон | 13:50
Мавзуга оид

16:47 / 10.06.2025
Июнда об-ҳаво нисбатан салқин бўлиши кутилмоқда

23:50 / 08.06.2025
Япония илк бор 1000 километрдан ортиқ масофага учадиган ракеталарини намойиш этди

14:21 / 07.06.2025
Ўзбекистон ва Япония визани либераллаштириш масаласини ўрганмоқда

00:05 / 07.06.2025