Coca-Cola таркибида хлорат кўп бўлгани учун Европадаги маҳсулотларини қайтариб олди
Компаниянинг Гент шаҳридаги заводида ишлаб чиқарилган маҳсулотларда хлорат миқдорининг юқорилиги аниқланган. Сотилмаган маҳсулотларнинг аксарияти савдодан олиб ташланган ва компания қолганларини ҳам қайтариб олмоқда.

Фото: NeOldu
Coca-Cola компанияси Европанинг баъзи давлатларида ўз ичимликлари таркибида хлорат кимёвий моддаси меъёрдан ошиб кетгани аниқланганидан сўнг, уларни сотувдан қайтариб олишини эълон қилди. Бу ҳақда BBC хабар берди.
Компания Белгия, Люксембург ва Нидерландиядаги савдо жавонлардан ўз маҳсулотларини қайтариб олаётганини маълум қилди. Таъкидлашича, ушбу партиядан бешта маҳсулот Буюк Британияга ўтган йил охирида етказиб берилган ва аллақачон сотилган.
Хлорат – сувни тозалашда ва озиқ-овқат саноатида хлорли дезинфекциялаш воситаларидан фойдаланилганда ҳосил бўлиши мумкин.
«Мустақил эксперт таҳлиллари шуни кўрсатдики, истеъмолчилар учун хавф жуда кам», деди компания вакили.
Coca-Cola Британия истеъмолчиларидан ҳеч қандай шикоят олмаганини ва бу борада Буюк Британия расмийлари билан ҳамкорликни давом эттиришини айтди.
Хлоратнинг меъёрдан ошиб кетган миқдори саломатликка салбий таъсир кўрсатиши ва қалқонсимон без билан боғлиқ муаммоларга олиб келиши мумкин, айниқса болалар ва чақалоқларда.
Британия миллий соғлиқни сақлаш хизмати (NHS) диетологи Карон Гразетт шундай деди: «Биз қанчалик оз миқдорда бўлмасин, фейерверклар ва дезинфекциялаш воситаларида ишлатиладиган кимёвий моддаларни алкоголсиз ичимликларда истеъмол қилишни хоҳлаймизми, деб ўйлаб кўришимиз керак».
Хлорат миқдори юқори бўлган озиқ-овқатларни истеъмол қилиш кўнгил айниш, қусиш, диарея ва қоннинг кислородни ўзлаштириш қобилиятини пасайишига олиб келиши мумкин, деб қўшимча қилди мутахассис кимёвий моддалар бўйича сўнгги тадқиқотларга таяниб.
Компаниянинг Гент (Белгия) шаҳридаги ишлаб чиқариш заводида мунтазам синовлар ўтказиш чоғида хлорат миқдорининг юқорилиги аниқланган. Сотилмаган маҳсулотларнинг аксарияти жавонлардан олиб ташланган ва компания қолганларини ҳам қайтариб олмоқда.
Coca-Cola вакилининг айтишича, компания «ўз маҳсулотларининг сифати ва хавфсизлигини устувор вазифа деб билади».
Тавсия этамиз
Исроил эронликлар тузумга қарши исён кўтаришига умид қилмоқда. Бунинг эҳтимоли борми?
Жаҳон | 20:00 / 17.06.2025
Ҳозирда сиртқи таълимда ўқиётганлар ўқишини қай тартибда давом эттиради?
Ўзбекистон | 11:14 / 17.06.2025
Қўрқув, шок ва саросима: Эронда нималар бўлмоқда?
Жаҳон | 19:57 / 16.06.2025
Уруш бошланди, Нетаняҳу эронликларни исёнга чорлади – ҳафта дайжести
Жаҳон | 20:41 / 15.06.2025
Сўнгги янгиликлар
Мавзуга оид

15:00 / 07.05.2025
“Бу Coca-Cola'ни кимга улашмоқчисиз?” деган афсонавий кампания дунё бўйлаб ўзининг зафарли юришини давом эттириб, Ўзбекистонга етиб келди!

15:52 / 14.04.2025
UzAirways йўловчига махсус овқат бермагани учун жавоб беришига тўғри келди

22:21 / 08.04.2025
Поезд йўловчиси вагон деразалари чанглигидан шикоят қилди. Тозаликка масъул икки ходим ишдан олинди

23:03 / 07.04.2025