Time журнали 2024 йилнинг энг аҳамиятли ихтиролари рўйхатини эълон қилди
Йилнинг энг муҳим ихтиролари қаторидан киприкни ўстирадиган технология, икки марта букланадиган Huawei смартфони, «Онлайн-никоҳ» иловаси ҳам ўрин олган.

Фото: Time
Time журнали 2024 йилнинг энг яхши 200 та инновацияси номини эълон қилди. Ихтиролар рўйхати журнал сайтида эълон қилинган бўлиб, улар орасидан маиший электроника, робототехника, мобил гаджетлар, тиббиётдаги ихтиролар ҳам бор.
Хусусан, рўйхатнинг истеъмолчилар электроникаси бўлимидан Huawei Mate XT — уч секцияли конструкцияга эга дунёдаги биринчи серияли смартфон ҳам ўрин олган. Смартфоннинг оғирлиги 238 граммни ташкил этади, тўлиқ очилган ҳолатда гаджет корпуси қалинлиги — 3,6 миллиметр, йиғилган ҳолатда — 12,8 миллиметр. Иккита жойидан букланадиган смартфонни экрани 10,2, 7,9 ҳамда 6,4 дюймли қурилма сифатида фойдаланса бўлади.

Фото: CNET
«Гўзаллик» бўлимига киприкларни ўстирадиган Luum Precision Lash технологияси ҳам киритилган. Мижозлар учун хавфсиз деб аталаётган мазкур технология доирасида робот 1,5 соат ичида киприкларни ўстиради (бу қўлда қилинганидан тезроқ).
Имконияти чекланган шахслар учун мўлжалланган қурилмалар орасидан AirPods Pro 2 наушниклари ҳам ўрин олган бўлиб, улардан қулоқ аппарати сифатида ҳам фойдаланиш мумкин.

Фото: CNET
Дастурий таъминот ва иловалар орасидаги янгиликларда Украина давлат хизматлари тақдим этган «Дия» ҳам мавжуд. Мазкур илованинг «Онлайн-никоҳ» хизмати орқали никоҳдан ўтиш мумкин — видеоалоқа орқали ФҲДЁ ходими иштирок этади, ҳужжатлар махсус имзо орқали тасдиқланади.
«Уйдаги саломатлик» бандига киритилган янгиликлар орасида Америка истеъмол маҳсулотлари ва тиббиёт воситалари сифатини назорат қилиш бошқармаси томонидан тасдиқланган гриппга қарши бурунга сепиладиган вакцина ҳам бор.
Бошқа ихтиролар қаторидан Arc'teryx and Skip MO/GO экзоскелети, E-Ink-экранга эга Rakuten Kobo Libra Colour рангли китоби, безгакка қарши R21/Matrix-M вакцинаси, Medical Microinstruments Symani Surgical System робот-жарроҳи ва бошқа қатор инновациялар ўрин олган.
Тавсия этамиз
Ўзбекистон Mobiuz компаниясини халқаро сотувга қўйди
Ўзбекистон | 23:10 / 09.06.2025
Тошкентда илк BRT тизими: у қандай кўринишда бўлади?
Ўзбекистон | 20:17 / 07.06.2025
Бир нечта ташкилотлар Enter Engineering компаниясини судга берди
Ўзбекистон | 17:39 / 07.06.2025
Хатолар улғайтирган жамоа. Ўзбекистоннинг мундиал сари узоқ йўли ҳақида
Спорт | 15:27 / 07.06.2025
Сўнгги янгиликлар
-
Тошкент-ситида LVMH флагман дўкони очилиши мумкин
Ўзбекистон | 23:57 / 11.06.2025
-
Ҳонгконг миллий хавфсизликка таҳдид туфайли биринчи марта видеоўйинни тақиқлади
Жаҳон | 23:50 / 11.06.2025
-
Трамп 9 минг ноқонуний мигрантни Гуантанамо қамоқхонасига юбормоқчи
Жаҳон | 23:15 / 11.06.2025
-
1-синфга қабул 20 июндан бошланади
Ўзбекистон | 22:45 / 11.06.2025
Мавзуга оид

16:49 / 20.04.2025
Хитойда дунёдаги биринчи 10G интернет тармоғи ишга туширилди

22:55 / 13.03.2025
Европарламентда Huaweiʼга алоқадор коррупция иши сабаб тинтув ва ҳибсга олишлар бўлиб ўтди

09:00 / 19.12.2024
Huawei компанияси Дубайдаги тақдимотида янги букланадиган смартфон ва бошқа флагман қурилмаларини тақдим этди

21:12 / 10.09.2024