Европада парвозларни тақиқлаш коронавирусга қарши курашда бефойда чора деб топилди

Еврокомиссия май ойида Евроиттифоқ мамлакатларига вирус тарқалиши шароитида авиацион чекловларни сақлаб қолишга рухсат берганди.

Фото: AP

Еврокомиссия авиапарвозларни тақиқлашни коронавирус тарқалишига қарши курашда бефойда чора деб топди.

«Биз парвозларни тақиқлашни пандемияни тутиб туришда самарали деб ҳисобламаймиз», — дейилади транспорт бўйича еврокомиссар Адина Валеан имзолаган ҳужжатда.

Еврокомиссия май ойида Евроиттифоқ мамлакатларига вирус тарқалиши шароитида авиацион чекловларни сақлаб қолишга рухсат берганди, аммо ярим йилдан сўнг чекловларни олиб ташлаш керак деган хулосага келди.

Бундан ташқари, парвозлар вақтида бортда санитария талабларига амал қилиш самаралироқ эканлиги таъкидланган. Ушбу тавсия кўриб чиқиш учун Европарламент ва ЕИ мамлакатлари кенгашига тақдим этилган.

Еврокомиссия сентябрда ЕИ ичидаги саёҳатлар учун ягона чеклов тизимини жорий этишни таклиф қилганди.

#Европа #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.