AQSh Xalqaro kosmik stansiyani moliyalashtirishni qisqartiradi

AQSh 2026 yilgi federal budjetidan ma’lum bo‘lishicha, Xalqaro kosmik stansiyani (ICC) moliyalashtirish 508 million dollarga qisqartiriladi. Stansiya 2030 yilda yopilishi kutilmoqda.

Hujjat Oq uy veb-saytida e’lon qilingan va unda NASA tomonidan boshqariladigan va yuk missiyalari sonini, shuningdek, stansiya bortidagi ilmiy tadqiqotlar hajmini kamaytirish niyati aks etgan.

Tushuntirish xatida aytilishicha, budjet ICC o‘z faoliyatini oxiriga yetkazayotgani sababli fazoni o‘rganish jarayoniga nisbatan «tejamkor tijorat yondashuviga» o‘tishni aks ettiradi. NASA stansiya yopilgandan keyin uning o‘rnini bosadigan xususiy orbital platformalarni ishlab chiqish uchun resurslarni qayta taqsimlashni rejalashtirmoqda.

NASA tijorat sektorini yangi kosmik stansiyalarni qurishga faol undamoqda. Axiom Space, Blue Origin, Starlab Space va Vast Space kabi kompaniyalarning loyihalari allaqachon moliyalashtirilmoqda.

NASA Xalqaro kosmik stansiya loyihasi tugallangandan so‘ng Oy va Marsni tadqiq qilish bo‘yicha xalqaro hamkorlikni kengaytirishni reja qilgan.