Tramp prezident samolyotini almashtirishga qaror qildi
Boeing kompaniyasi ikkita yangi havo laynerini yetkazib berishni kechiktirgach, Tramp eski samolyotdan foydalanish haqida o‘ylamoqda.

Foto: AFP/Getty Images
AQSh prezidenti Donald Tramp yangi prezident samolyoti uchun muqobil variantlarni ko‘rib chiqmoqda, bosh pudratchi Boeing esa samolyotlarni yetkazib berishni kechiktirmoqda, deb yozdi The Wall Street Journal (WSJ) manbalarga tayanib.
Tramp birinchi prezidentlik davrida eskirgan Boeing 747 Air Force One o‘rniga ikkita yangi samolyotni buyurgan edi. Buyurtma bo‘yicha Boeing kompaniyasi 3,9 milliard dollarlik shartnomani yutib oldi.
Samolyotlar 2024 yilgacha tayyor bo‘lishi kerak edi, biroq yetkazib berish muddati birinchi samolyot uchun 2027 yilga, ikkinchisi uchun esa 2028 yilgacha surildi. Bu Tramp prezidentlik muddatining oxirgi yili hisoblanadi.
Boeing kompaniyasidan hafsalasi pir bo‘lgan Tramp L3Harris kompaniyasiga Qatar hukumati tomonidan foydalanilgan Boeing 747 samolyotini ta’mirlashni topshirdi, deb xabar berdi WSJ. Shu bilan birga, Boeing ikkita yangi samolyotni ishlab chiqarishda davom etadi. Biroq, kompaniya murakkab dizayn muammolari tufayli yangi prezident samolyotlarini 2035 yilgacha yetkazib bera olmaydi, deya xabar berdi gazeta manbalari.
Saylovda g‘alaba qozonganidan so‘ng, Tramp Boeing rahbarlari bilan bir qator muzokaralarni o‘tkazdi. Fevral oyida prezident eski Boeing samolyotini qayta jihozlab, birinchi raqamli bort sifatida foydalanishi mumkinligini aytdi. Shu bilan birga, u Airbus kompaniyasi samolyotlarini sotib olish imkoniyatini rad etdi, biroq boshqa xorij kompaniyasidan xarid qilish mumkinligini tan oldi.
Boeing so‘nggi yillarda katta inqirozlarga duch kelmoqda. Kompaniya obro‘siga o‘zi ishlab chiqargan fuqarolik avialaynerlaridagi nuqsonlar ham putur yetkazgan. Misol uchun, 2024 yil yanvarida Boeing 737 MAX 9 samolyotining eshigi uzilib tushdi va salonda bosim pasayib ketdi. Boeing tekshiruvni boshladi va bu modeldagi samolyotlarning bir qismi vaqtinchalik foydalanishdan chiqarildi. Shuningdek, kompaniya mijozlari ham sifatsiz qismlar yetkazib berilayotganidan shikoyat qilishgan edi.
Tavsiya etamiz
Kredit olishga taqiq va Freeze xizmati: ularning farqi nima?
Jamiyat | 09:02 / 26.06.2025
Imtihon yaqin: bu yil abituriyentlarni nimalar kutyapti? – eng muhim savollarga rasmiylardan javoblar
O‘zbekiston | 12:11 / 25.06.2025
Eronning amaldagi siyosiy tizimi. U qanday paydo bo‘lgandi?
Jahon | 19:30 / 24.06.2025
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
So‘nggi yangiliklar
-
YeOII bilan manfaatli hamkorlikni kengaytirish iqtisodiy siyosatimizning ustuvor yo‘nalishi – prezident
O‘zbekiston | 17:25
-
“Navoiyuran” London Stock Exchange’da 300 mln dollarlik yevrobond joylashtirdi
O‘zbekiston | 17:00
-
Rossiya Ukrainadagi eng yirik litiy konlaridan birini egalladi – OAV
Jahon | 16:48
-
Qamoqqa olingan shaxsni hibsxonada majburiy tibbiy ko‘rikdan o‘tkazish haqidagi qonun imzolandi
Jahon | 16:33
Mavzuga oid

16:04
Los-Anjyelesda Bred Pittning uyiga o‘g‘ri tushdi

15:05
Oq uy Ukrainadagi loyihalarni moliyalashtirishni to‘xtatishi mumkin

14:19
AQSh va Xitoy savdo bitimini imzoladi

12:39