Polsha davlat reyestriga keng ko‘lamli kiberhujum uyushtirildi
DDos-hujum qaytarilgan, ammo salkam bir soat davomida fuqarolar soliqlarni to‘lay olmagan.

Foto: Shutterstock
Polsha IT-infratuzilmasi — Davlat reyestrlar tizimi keng ko‘lamli hakerlik hujumiga uchradi, deb xabar beradi RMF FM.
Ma’lumotlarga ko‘ra, kiberhujum mamlakatda soliq deklaratsiyalarini (PIT) topshirish muddati, 800+ ijtimoiy yordam uchun arizalar va «Profilaktika 40+» tibbiy skrining dasturiga yozilish yakunlanayotgan paytda asosiy onlayn xizmatlarni ishdan chiqarish maqsadida uyushtirilgan.
Hujum salkam bir soat davom etgan. Bu vaqt davomida foydalanuvchilar mObywatel ilovasidan, shuningdek, CEPIK tizimi — Transport vositalari va haydovchilar markaziy reyestridan foydalana olmagan. Bu esa o‘z navbatida transport vositalari va soliq operatsiyalarini ro‘yxatdan o‘tkazishga imkon bermagan.
Gap DDoS-hujumlar haqida ketmoqda — bunda hakerlar bir vaqtning o‘zida davlat tizimlariga ommaviy so‘rovlar yuborib, tizim yuklamasini oshirib yuboradi.
Qayd etilishicha, kiberhujum qaytarilgan. Polsha kiberpolitsiyasi va Ichki xavfsizlik agentligi holatni tergov qilish bilan shug‘ullanmoqda. Hujum kimlar tomonidan amalga oshirilgani hozircha noma’lum.
Avvalroq Fransiya rasmiylari Rossiya harbiy razvedkasini mamlakatga qarshi so‘nggi o‘n yil davomida sodir etilgan kiberhujumlarga aloqadorlikda ayblagandi. Ta’kidlanishicha, 2021 yildan beri Rossiya Razvedka bosh boshqarmasining (GRU) kiberhujumlar bilan shug‘ullanuvchi bo‘linmasi Fransiyadagi o‘nga yaqin, jumladan, «mudofaa, moliya va iqtisodiyot sektorlariga» aloqador tashkilotlarga hujum uyushtirgan.
Tavsiya etamiz
Urushga qo‘shilgan AQSh, «butun Ukraina bizniki» degan Putin – hafta dayjesti
Jahon | 18:52 / 22.06.2025
Yoz jaziramasi davom etadi: 10 kunlik ob-havo prognozi
O‘zbekiston | 17:56 / 20.06.2025
“Badavlat ayol” loyihasida kim badavlat bo‘lyapti?
Jamiyat | 21:46 / 19.06.2025
Tarvuz tarkibidagi nitratlar: hozirgi tarvuzlarni yesa bo‘ladimi?
Jamiyat | 17:57 / 19.06.2025
So‘nggi yangiliklar
-
Tesla Texasda robotaksi servisini ishga tushirdi
Fan-texnika | 01:37
-
AQSh DeepSeek sun’iy intellekt chatbotini Xitoy armiyasiga yordam berishda aybladi
Jahon | 00:24
-
Prezident administratsiyasining qator xodimlari lavozimdan ozod etildi
O‘zbekiston | 23:33 / 23.06.2025
-
Eron AQShning Qatardagi bazalariga raketa zarbalarini berdi
Jahon | 22:55 / 23.06.2025
Mavzuga oid

17:16 / 02.06.2025
Polsha prezidentlik saylovida Karol Navrotski g‘alaba qozondi

09:30 / 02.06.2025
Ekzitpol: Polsha saylovlarida konservator Navrotskiy yetakchilik qilmoqda

11:44 / 19.05.2025
Polshada prezidentlik saylovlarining ikkinchi turi bo‘lib o‘tadi

21:54 / 15.05.2025