Xorazmda ko‘chmas mulk egalari tomonidan 2 148ta huquqbuzarlikka yo‘l qo‘yilgan
Ko‘p xonadonli uy-joy fondidan foydalanishni nazorat qilish Xorazm viloyati hududiy inspeksiyasi tomonidan 2020 yil davomida 2 148ta holatda ko‘chmas mulk egalari ko‘p kvartirali uylarni saqlash va undan foydalanishda turli ko‘rinishdagi huquqbuzarliklarga yo‘l qo‘ygani aniqlangan. Bu haqda mavzuga bag‘ishlangan matbuot anjumanida xabar berildi.

Jumladan, 620ta mulk egasi uyga tutash hududlarda noqonuniy qurilmalar barpo etgan, 258ta uyning balkonlari o‘zboshimchalik bilan o‘rab olingan, 826ta uyning ichki qismi konstruksiyasi ruxsatsiz o‘zgartirilgan, 444ta uyning fasad qismidan eshiklar noqonuniy ochilgan. Aniqlangan huquqbuzarliklarni bartaraf etish bo‘yicha mulkdorlarga majburiy ko‘rsatmalar berilgan.
Shuningdek, noturar joylar o‘zboshimchalik bilan rekonstruksiya qilingani, yerto‘lalar noqonuniy ravishda egallab olingani va shu kabi jami 200dan ortiq holat aniqlangan. Huquqbuzarliklarni bartaraf etish yuzasidan ko‘chmas mulk egalari majburiy ko‘rsatmalar asosida ogohlantirilgan.
Tahlillarga ko‘ra, uy-joy fondini saqlash va foydalanish hamda noturar joylarni o‘zboshimchalik bilan rekonstruksiya qilishga oid yo‘l qo‘yilgan huquqbuzarliklar bo‘yicha hududiy inspeksiyaga kelib tushgan 16ta shikoyatning barchasi o‘z tasdig‘ini topgan. Qayd etilishicha, bu huquqbuzarliklar kelgusida turar joylarning zilzilabardoshligini yo‘qotishiga, ularning tashqi ta'sirlarga chidamsiz bo‘lib qolishiga olib kelishi bilan birga, fuqarolar hayoti, sog‘ligi va moddiy qimmatliklarini xavf ostida qoldirishi mumkin.
Inspeksiya tomonidan aniqlangan noqonuniy qurilmalarni faqat majburiy ko‘rsatma berish yoki sudlar orqali bartaraf etish huquqi berilgan. Ammo sudlarga taqdim etilayotgan materiallarni ko‘rib chiqish muddati oylab cho‘zilgani bois, inspeksiya tomonidan aniqlangan 180ta noqonuniy qurilma hamda noturar joylardagi 100dan ortiq muammolar joyida bartaraf etilmasdan qolmoqda.
Tavsiya etamiz
“Sirtqi ta’lim yopilsa, hech narsa yo‘qotmaymiz” – mutaxassislar bilan suhbat
O‘zbekiston | 15:26 / 19.05.2025
Trampni siylagan arablar, muzlatilgan savdo urushi va amalga oshmagan “duel” - Geosiyosiy hafta tahlili
Jahon | 16:04 / 17.05.2025
Tahdid va tarix haqida va’z: Istanbul muzokaralarida nimalar deyishdi?
Jahon | 13:33 / 17.05.2025
Haydovchilar uchun qator yengilliklar e’lon qilindi
O‘zbekiston | 18:04 / 16.05.2025
So‘nggi yangiliklar
-
“Asialuxe Travel” bilan Hurgadaga: dengiz, quyosh va sharqona ertak
O‘zbekiston | 09:00 / 21.05.2025
-
“Prezident iqtidorli farzandlari” tashabbusi bo‘yicha milliy dastur amalga oshiriladi
O‘zbekiston | 12:25
-
Lavrov Yevropani AQShga sanksiyalarni kuchaytirish uchun bosim o‘tkazishda aybladi
Jahon | 12:24
-
«Tottenhem» finalda «MYu»dan ustun keldi va mavsumni qutqarib qoldi
Sport | 12:05
Mavzuga oid

14:44 / 21.05.2025
Ko‘chmas mulkni ommaviy baholash milliy markazi nima bilan shug‘ullanadi?

09:18 / 19.05.2025
Ko‘chmas mulk bozoridagi faollik aprel oyida barqaror tiklandi

14:03 / 11.05.2025
Buxoro va Xorazmni bog‘lovchi yo‘lni chigirtkalar bosdi

18:42 / 02.05.2025