NASA зонди ноодатий шаклга эга астероид суратларини узатди

NASA’нинг «Люси» сайёралараро станцияси Donald Johanson астероидидан қарийб 960 километр узоқликдан учиб ўтди ва Ерга унинг суратларини узатди. Бу ҳақда космик агентлик матбуот хизмати хабар берди.

Астероид ўзига хос шакли билан ажралиб туради — у ингичка кашак билан боғланган иккита объектга ўхшайди. Миссия раҳбари Хел Левисоннинг сўзларига кўра, осмон жисмининг тузилиши Қуёш тизимидаги сайёраларнинг шаклланиш жараёнини яхшироқ тушуниш имконини беради.

L’LORRI камераси ёрдамида олинган суратлар астероиднинг узунлиги 8 километрга, максимал эни эса 3,5 километрга етишини кўрсатган. Объектнинг бир қисми иккинчисидан кичикроқ, аммо уларнинг кесмалари ўхшаш. Юза ёрқин кулранг реголит ва кратерлар билан қопланган.

Қайд этилишича, мазкур астероид тахминан 150 миллион йил олдин шаклланган. Тадқиқотчиларнинг таъкидлашича, у икки жисмнинг ўзаро тўқнашуви натижасида пайдо бўлган одатдаги иккиталик объектларга ўхшамайди. Donald Johanson’нинг геологик тузилиши ҳам кутилганидан мураккаброқ бўлиб чиққан.

Аввалроқ NASA’нинг «Жеймс Уэбб» телескопи 2032 йилда Ой билан тўқнашиши мумкин бўлган 2024 YR4 астероидини суратга олганди.