Генерал Кирилловга суиқасд иши бўйича янги айбланувчилар пайдо бўлди
Улар теракт ижрочисини Москва вилоятида уй-жой билан таъминлагани таъкидланмоқда.

Фото: Reuters
Россия қуролли кучларининг радиациявий, кимёвий ва биологик мудофаа қўшинлари бошлиғи, генерал-лейтенант Игор Кириллов ва унинг ёрдамчисига суиқасд бўйича очилган жиноий ишда икки янги айбланувчи пайдо бўлди. Бу ҳақда «Коммерсант» хабар берди.
Қайд қилинишича, Украина махсус хизматлари (СБУ) буйруғи билан ҳарбий қўмондонни портлатган Ўзбекистон фуқароси Аҳмад Қурбоновнинг шериклари Шимолий Кавказдаги тақиқланган ташкилот аъзолари бўлиши мумкин. Улар ижрочини Москва вилоятида уй-жой билан таъминлаган. Квартирани эса ўз ҳужжатларидан фойдаланган ҳолда ижарага олишган.
Пойтахтда кичик бизнес билан шуғулланган ингушетиялик икки шахс Сибирда қўлга олинди. Улар ҳозирча террорчиликда айбланмаган; иккаласи ҳам полиция ходимларига бўйсунмагани ва майда безорилик учун ўн беш суткага маъмурий қамоққа олинган. Бир неча кундан кейин қамоқ муддати тугайди ва айбдор деб тахмин қилинаётган шахслар Москвага жўнатилади. У ерда уларни Россия Тергов қўмитаси қотиллик, портловчи қурилма ишлаб чиқариш ва террорчилик ҳаракати бўйича очилган жиноий иш бўйича тергов қилади.
Шов-шувли жиноят 17 декабр куни содир этилган эди. Таъкидланишича, Ўзбекистон фуқароси Аҳмад Қурбонов СБУ кўрсатмаси бўйича ҳаракат қилиб, генерал Кириллов яшаётган уйнинг кириш қисмида бомба ўрнатилган электр скутерни қолдириб кетган. Ҳарбий қўмондон ва унга ҳамроҳ бўлган ёрдамчиси майор Иля Поликарпов скутер ёнидан ўтганида, ижарага олинган машина ичидан уларни кузатиб турган Қурбонов тугмани босиб, портловчи мосламани ишга туширган. Ҳар икки офицер ҳодиса жойида ҳалок бўлган. Қурбонов машинани ташлаб, ғойиб бўлган.
Бир кун ўтмай у Москва вилоятининг Электроугли шаҳридаги ижарага олинган хонадонда ушланди. Айбланувчининг айтишича, у СБУ томонидан ёлланган ва 100 минг доллар ва Европа Иттифоқи давлатларидан бирида яшаш учун рухсатнома олишни кутган ҳолда генерални портлатиб юборган.
Тавсия этамиз
Исроил–Эрон урушининг Марказий Осиё учун геосиёсий мезонлари қандай?
Жаҳон | 22:13 / 18.06.2025
Клублар ўртасидаги ЖЧда кўпчиликка нотаниш бўлган 11 истеъдод. Кимлар турнир кашфиёти бўлиши мумкин?
Спорт | 20:34 / 18.06.2025
Эрон ва Исроилнинг ҳарбий салоҳияти: кимда қандай қуроллар бор?
Жаҳон | 18:04 / 18.06.2025
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Сўнгги янгиликлар
-
Британияда олимлар Арктикани «қайта музлатиш» режасини синовдан ўтказмоқда
Фан-техника | 13:50
-
Тошкентда Ўзбекистонда яшайдиган немислар масаласи бўйича ҳукуматлараро комиссия мажлиси бўлиб ўтди
Ўзбекистон | 13:40
-
NYT: АҚШ бомбардимончиларни Яқин Шарққа жўнатишда чалғитувчи тактикадан фойдаланди
Жаҳон | 13:30
-
Ҳафтанинг иккинчи ярмида ҳаво ҳарорати бироз пасаяди
Ўзбекистон | 13:20
Мавзуга оид

01:21
Дамашқдаги черковда теракт содир этилди. 20 киши ҳалок бўлди

12:20 / 02.06.2025
Россияда Брянск ва Курскда кўприклар қулаши теракт деб тан олинди

11:00 / 27.05.2025
Ливерпулда машина одамларга қарата ҳайдалгани теракт деб ҳисобланмаяпти

08:40 / 13.05.2025