Иси пайкални тутган обиноввотлар: қовун даласидан репортаж
Фарғонанинг Тошлоқ туманида қовун етиштираётган Ғайратжон аканинг қўли қўлига тегмайдиган кунлар аллақачон келган. Қовунлар айни пишган пайт. Обиноввотлар ҳиди бутун пайкални тутган.

Тошлоқлик Ғайратжон Раҳимов ер билан тил топишиб, қовун экишнинг ҳавосини олган деҳқонлардан. У қовун ортидан яхшигина даромад топиб келяпти.

“Ёшлигимиз бепоён далаларда ўтди, деҳқончиликни ҳандалак экишдан бошлаганмиз. Отам ҳам миришкор деҳқон эди.
Тонг саҳар уйғониб пайкалга қарасангиз кўзингиз қувнайди, атроф ям-яшил, қовун ҳиди димоққа уриб туриши роҳат беради, меҳнатининг чарчоқлари чиқиб кетади.
Бу йил 80 сотих ерга кўкча билан обиноввот навларидан экдим. Ҳозирда қовунлар пишган, ҳар куни бозорга чиқараман, дам олиш йўқ, халққа етказиб турибмиз. Бу йил мўлчилик бўляпти, халқ маза қиляпти, арзончилик.
Ўтган йили ҳосил камроқ бўлгани учун килограммга ўлчаб сотгандик, бу йил эса донага сотиляпти, 4 мингдан 6 минггача сотяпман донасини. Халқ дуо қилса бўлди. Шунинг ўзи кифоя.
Қовунни кечки пайт ёки саҳарда узиш керак, акс ҳолда, яхши чиқмайди. Ҳар куни кечки пайт узиб қўяман-да, эрталаб Фарғона шаҳридаги деҳқон бозорига олиб бориб сотаман.
Аввалги қовун навлари ширинроқ бўларди. Касалликка чидамли деб янги қовун навлари экилиб, кампир қовун, амир қовун, кўкча, обиноввот каби навлар камайиб кетганди, бу йил шу қовунларни ҳам кўряпман бозорда. Бу навлар жуда ширин бўлади, ўзимизнинг нав-да.
Тарвузнинг енгили, қовуннинг оғирини ол, деган гап бор. Ҳақ гап. Банд жойигача сарғайиб, тўрланиб турган қовун пишган бўлади”, дейди деҳқон биз билан суҳбатда.
Сарвар Зиёев, Kun.uz
Монтаж устаси: Сардор Мамиров
Тавсия этамиз
Кредит олишга тақиқ ва Freeze хизмати: уларнинг фарқи нима?
Жамият | 09:02
Имтиҳон яқин: бу йил абитуриентларни нималар кутяпти? – энг муҳим саволларга расмийлардан жавоблар
Ўзбекистон | 12:11 / 25.06.2025
Эроннинг амалдаги сиёсий тизими. У қандай пайдо бўлганди?
Жаҳон | 19:30 / 24.06.2025
Урушга қўшилган АҚШ, «бутун Украина бизники» деган Путин – ҳафта дайжести
Жаҳон | 18:52 / 22.06.2025
Сўнгги янгиликлар
-
ХВЖ даромад солиғини табақалаштиришга чақирди. Иқтисодчи бунга қарши тўртта сабаб келтирди
Иқтисодиёт | 23:08
-
АҚШ 2026 йилда ядро триадасини ривожлантиришга 60 млрд доллар сарфлашни режалаштирмоқда
Жаҳон | 22:51
-
Шавкат Мирзиёев амалий ташриф билан Беларусга етиб борди
Ўзбекистон | 22:32
-
Россияда хорижий фуқароларнинг кириши учун рақамли рўйхатдан ўтиш жорий этилади
Жаҳон | 22:26
Мавзуга оид

12:00 / 23.06.2025
Аэропортда танасига 250 грамм қуйма олтинни яшириб олиб ўтаётган шахс ушланди

11:46 / 21.06.2025
Ўзбекистонлик олимлар қовуннинг янги навларини яратмоқда

18:19 / 20.06.2025
Фарғонада туман МИБ бошлиғи пора билан ушланди

09:14 / 18.06.2025