Қўшимча функционаллар
-
Тунги кўриниш
Перунинг ҳибсга олинган президенти Мексикадан бошпана сўради
Мехикодаги Ташқи ишлар вазирлиги Перу ҳукумати билан Педро Кастильонинг тақдири юзасидан музокаралар олиб бормоқда. У парламент томонидан «маънавий қобилиятсизлиги» учун ҳокимиятдан четлаштирилди ва кейин ҳибсга олинди.

Фото: AFP
Перуда ҳокимиятдан ағдарилган мамлакат президенти Педро Кастильо Мексикадан сиёсий бошпана сўради. Бу ҳақда 9 декабрь, жума куни Мехикодаги Ташқи ишлар вазирлиги маълум қилди. Мексика Ташқи ишлар вазирлиги идора Перу ҳукумати билан алоқа ўрнатганини таъкидлади. Мехико Кастильо, шубҳасиз, «сиёсий характерга эга бўлган адлия органларининг асоссиз таъқиблари» қурбони бўлган деган фикрни билдирди.
Педро Кастильо 7 декабрь куни Перу парламенти томонидан «маънавий қобилиятсизлиги» учун президентликдан четлаштирилди ва кейинроқ ҳибсга олинди. Перу Олий суди куни кеча Кастильо етти кунлик муддатга тергов изоляторига жойлаштирилганини эълон қилди.
Мексиканинг Лимадаги элчиси полиция бўлимларидан бирида Педро Кастильо билан алоқа ўрнатишга муваффақ бўлганини айтди. Мексикалик дипломатнинг сўзларига кўра, Кастильо ўзини яхши ҳис қилмоқда. Аввалроқ Мексика президенти Мануэл Лопес Обрадор Педро Кастильо Перунинг «иқтисодий ва сиёсий элитаси қурбони» бўлганини айтганди. Обрадор ҳам, Кастильо ҳам сўл сиёсий кучлар вакиллари ҳисобланади.
Кастильо президентликдан четлаштирилгач, унинг ўринбосари Дина Болуарте давлат раҳбари вазифасини бажарувчи бўлди.
Тавсия этамиз
Европа Иттифоқининг 18-санкциялар пакети Россияга қандай таъсир қилади?
Жаҳон | 23:12 / 21.07.2025
Уй сотиб олишда алданиб қолмаслик учун нималарга эътибор қилиш керак?
Кўчмас мулк | 16:30 / 21.07.2025
Супер-контрактни бўлиб-бўлиб тўлаш мумкинми?
Таълим | 11:29 / 21.07.2025
Давлат ОТМга қабул квоталари тасдиқланди
Таълим | 11:09 / 21.07.2025
Сўнгги янгиликлар
-
Британияда депрессияга чалинган одамларга футболга бориш тавсия этилди
Спорт | 23:20 / 22.07.2025
-
АҚШ Трампнинг янги муддати давомида Украинага биринчи ҳарбий ёрдам шартномасини эълон қилди
Жаҳон | 23:01 / 22.07.2025
-
Ўзбек-қозоқ чегарасидаги туннел, ижтимоий объектлар геопортали ва Жиззахга ташриф – маҳаллий дайжест
Ўзбекистон | 22:54 / 22.07.2025
-
Эрон давлат ходимларининг iPhone’лари Исроил билан уруш олдидан киберҳужумга учради – ОАВ
Жаҳон | 22:18 / 22.07.2025
Мавзуга оид

20:44 / 04.07.2025
«Бу ҳазилми?» – перуликлар президент маошининг икки баравар оширилганини кескин муҳокама қилишяпти

18:01 / 25.04.2025
Перуда 5 минг йиллик мумиё топилди

17:50 / 16.04.2025
Перу собиқ президенти пул ювишда айбланиб 15 йилга қамалди

18:20 / 16.03.2025