Бирорта “юлдузи”, девори ва томи бўлмаган меҳмонхона

Швейцариялик рассомлар ва Null Stern Hotel меҳмонхонаси яратувчиларининг таъкидлашича, Альп тоғларининг чиройини ҳис қилиш учун у билан ёлғизликда қолиш лозим. Улар шу мақсадда мижозларга плиткалар билан қопланган кичик майдонча, унда ўрнатилган икки кишилик каравот ва иккита тумбочкадан иборат ягона “хона”ли меҳмонхонани таклиф қилишмоқда.

Меҳмонхонанинг шиорида таъкидланишича, ундаги ягона “юлдуз” маҳаллий аҳоли томонидан хизмат кўрсатилувчи меҳмон ҳисобланади.

Ушбу антиқа меҳмонхонада тунни ўтказиш учун олдиндан навбатга ёзилиш ва 295 швейцар франки (295 доллар атрофида) тўлаш керак бўлади.