Юрист: Трампнинг адвокати рус олигархларидан ярим миллион доллар олган

Фото: AP

АҚШ президенти Дональд Трамп билан суд жараёнида Сторми Дэниэлс манфаатларини ҳимоя қилаётган адвокат Майкл Авенаттининг твиттерда ёзишича, Қўшма Штатлар раҳбари шахсий адвокати Майкл Коэн 2016 йилги сайловларда Трамп ғалаба қозонганидан сўнг 500 минг доллар олган.

Аввалроқ, Коэнга нисбатан суриштирув ишлари олиб борилаётгани маълум бўлганди. Уни банк қаллобликлари ва Россия ишига алоқадорликда гумонлашмоқда.

«Биз жиддий суриштирувдан сўнг шуни аниқладикки, мистер Трампнинг адвокати мистер Коэн президентлик сайловларидан кейин Россия президенти Владимир Путин билан яқин алоқаларга эга рус олигархи раҳбарлик қилувчи компаниядан тахминан 500 минг доллар пул олган», - дея ёзди Авенатти.

Бошқа бир твитда эса у суриштирув натижалари ҳақида қисқача маълумот берувчи ҳужжатни илова қилган.

Эслатиб ўтамиз, аввалроқ АҚШда Россиянинг ядро зарбаси оқибатлари баҳоланганди.

#Дональд Трамп #Россия #олигарх #Майкл Коэн