Xitoydagi muhim imtihonlar paytida sun’iy intellekt ilovalari o‘chirib qo‘yildi

Xitoyda Alibaba va Tencent kompaniyalarining mashhur sun’iy intellekt (SI) ilovalari universitetga kirish imtihonlari davri «Gaokao» vaqtida tasvirni aniqlash funksiyasini vaqtincha o‘chirib qo‘ydi. Bu imtihonlar paytida firib ishlatishning oldini olish va testning adolatli o‘tishini ta’minlash uchun amalga oshirildi.

Mamlakat bo‘ylab bir necha kun davom etadigan imtihonlar paytida Qwen, Yuanbao va Kimi kabi ilovalar fotosuratlarni qayta ishlash imkoniyatini chekladi. Imtihon vaqtida funksiyadan foydalanishga urinayotganda, chatbotlar xizmat vaqtinchalik ishlamayotgani haqida xabar beradi.

«Gaokao» xitoylik maktab bitiruvchilari uchun eng muhim imtihon bo‘lib, ularning kelajagi asosan ushbu test natijalariga bog‘liqdir. Unda 13,4 millionga yaqin o‘quvchi ishtirok etadi va ko‘pchilik uchun bu universitetga kirishning yagona imkoniyatidir, ayniqsa kichik shaharlar va kam ta’minlangan oila farzandlari uchun.

Mamlakatda AQShdagi kabi yillik baholar, insholar va standartlashtirilgan testlarni hisobga oladigan qabul tizimi mavjud emas. Shuning uchun bu imtihon katta ahamiyatga ega va firib ishlatishning oldini olish uchun qat’iy nazorat qilinadi.