Amerikalik professor: «Falastin masalasi - insoniyatning umidi»
Siyosatshunos Enn Norton fikricha, Falastin kurashi butun dunyo yoshlarini ilhomlantirmoqda, AQSh esa erkinlik mamlakati sifatidagi obro‘sini yo‘qotmoqda.

Foto: AP
Amerikalik siyosatshunos va yozuvchi, professor Enn Norton Falastin qarshiliklarini butun insoniyatning umidi deb atadi va Falastin muammosi butun dunyodagi siyosiy qarashlarga, ayniqsa, yoshlarning siyosiy ongini shakllantirishga ta’sir ko‘rsatishini ta’kidladi.
26-30 may kunlari Istanbulda ilk bor o‘tkazilgan ReOrient: Critical Muslim Studies yozgi maktabi doirasida «Anadolu» nashri bilan suhbatlashgan Norton G‘azodagi voqealar mintaqaviy mojaro doirasidan tashqariga chiqib, butun dunyoda demokratik talablarning yangi to‘lqini manbaiga aylanib borayotganini ta’kidladi.
«Qo‘shma Shtatlar va boshqa mamlakatlarda biz misli ko‘rilmagan darajadagi avtoritarizmga duch kelmoqdamiz, - dedi u. - Lekin unga talabalar lager tashkil qilib, ko‘chalarda norozilik bildirishmoqda. Umid qilamanki, bu haqiqatan ham kuchli va ozod qiluvchi narsaga olib keladi».
AQShning G‘azodagi fojiadagi roli chuqur sharmandalik manbai, deydi u. Shu bilan birga, Nortonning ta’kidlashicha, «G‘azo aholisining chidamliligi, erkinlikka intilishi va shafqatsiz harbiy kuchga qarshilik ko‘rsatish qobiliyati» barcha, jumladan, butun dunyodagi musulmonlar uchun muhim saboqdir.
«Talabalar G‘arb pozitsiyasidan tashqari manbalarni o‘qiydi, tadqiq qiladi va maslahat beradi. Muqobil ommaviy axborot vositalari va nashrlar ularga Falastinni ham, o‘z hayotlarini ham tushunishga yordam beradi», dedi professor.
Norton, shuningdek, ommaviy axborot vositalarining bosimiga e’tibor qaratdi: «G‘arb ommaviy axborot vositalari Falastin tarafdorlariga ovoz berishni istamayapti, lekin odamlar muqobil platformalarni topishmoqda. Izohlarda ular hukmron pozitsiyaga qarshi norozilik bildirishmoqda».
U, shuningdek, san’at olamining hissasini ta’kidladi: «Rassomlar va musiqachilar Falastinni qo‘llab-quvvatlab, ovozlarini ko‘tarmoqdalar. Hatto universitetdagi norozilik namoyishlari haqidagi rep qo‘shiqlar ham ommaviy axborot vositalarida paydo bo‘lganidan so‘ng, keng auditoriyada ommalashmoqda».
Tavsiya etamiz
Isroil–Eron urushining Markaziy Osiyo uchun geosiyosiy mezonlari qanday?
Jahon | 22:13 / 18.06.2025
Klublar o‘rtasidagi JChda ko‘pchilikka notanish bo‘lgan 11 iste’dod. Kimlar turnir kashfiyoti bo‘lishi mumkin?
Sport | 20:34 / 18.06.2025
Eron va Isroilning harbiy salohiyati: kimda qanday qurollar bor?
Jahon | 18:04 / 18.06.2025
Yana yuzlab odam aldangan: Alfa va Baraka avtolizing sudidan reportaj
Jamiyat | 11:25 / 18.06.2025
So‘nggi yangiliklar
-
Xitoy banki O‘zbekistonga IT'ni rivojlantirish uchun 500 mln dollar ajratadi
Iqtisodiyot | 12:40
-
Rossiyaning Kiyev va mintaqaga hujumi oqibatida olti kishi halok bo‘ldi
Jahon | 12:30
-
O‘zbekiston prezidenti davlat tashrifi bilan Mo‘g‘ulistonga boradi
O‘zbekiston | 12:24
-
Davlat departamenti butun dunyo bo‘ylab AQSh fuqarolariga ehtiyot bo‘lishni tavsiya qildi
Jahon | 12:20
Mavzuga oid

12:20
Davlat departamenti butun dunyo bo‘ylab AQSh fuqarolariga ehtiyot bo‘lishni tavsiya qildi

12:08
AQSh vitse-prezidenti Vens: Biz Eron bilan urishayotganimiz yo‘q

10:41
Ekspertlar Fordoga jiddiy zarar yetganini ma’lum qilyapti

08:41