Toshkentdagi ko‘chalardan biri 30 maygacha yopiladi

Mirzo Ulug‘bek tumanida qurilish-montaj ishlari olib borilishi sabab Ziyolilar ko‘chasining bir qismi yopiladi.

Foto: Toshkent shahar hokimligi

Toshkent shahar Mirzo Ulug‘bek tumanidan o‘tuvchi ko‘chalardan biri transport vositalari harakati uchun vaqtincha yopiladi. Bu haqda poytaxt hokimligi matbuot xizmati xabar berdi.

Qayd etilishicha, qurilish-montaj ishlari sababli Ziyolilar ko‘chasining Kichik halqa avtomobil yo‘li kesishmasidan Qalandar ko‘chasi kesishmasigacha bo‘lgan bir tomonlama yo‘nalish qismi 28 may soat 22:00 dan 30 may soat 08:00 gacha barcha transport vositalari harakati uchun yopiladi.

Ko‘rsatilgan davr mobaynida haydovchilarga muqobil yo‘nalishlardan foydalanish tavsiya qilinadi.

Avvalroq Olmazor tumanidagi Qorasaroy ko‘chasida sentabr oyigacha transport vositalari harakati cheklangani to‘g‘risida xabar berilgandi.

#Mirzo Ulug‘bek #KHAY