AQSh hukumati Pentagondagi jurnalistlar faoliyatini chekladi
Endi ular Mudofaa vazirligi binosiga kirish uchun rasmiy ruxsat olishi kerak bo‘ladi. Shuningdek, ularga maxsus xodim hamrohlik qiladi.

Foto: Reuters
Pentagon rahbari Pit Hegset jurnalistlarga Mudofaa vazirligi binosining aksariyat hududiga maxsus hamrohsiz kirishni taqiqlovchi buyruqni imzoladi. Uning so‘zlariga ko‘ra, cheklovlar maxfiy ma’lumotlar himoyasini kuchaytirish uchun zarur.
«Pentagon oldingidek shaffoflik tamoyiliga sodiq bo‘lsa-da, idora shu bilan birga maxfiy va sir tutilishi lozim bo‘lgan razvedka ma’lumotlarini himoya qilish majburiyatiga ham ega. Bunday ma’lumotlarning ruxsatsiz oshkor qilinishi AQSh harbiy xizmatchilari hayotini xavf ostiga qo‘yishi mumkin», — deydi Hegset.
Buyruqqa ko‘ra, akkreditatsiyaga ega jurnalistlar Pentagon shtab-kvartirasiga kirish uchun rasmiy ruxsat olishi kerak. Bino bo‘ylab harakatlanishida esa ularga maxsus xodim hamrohlik qiladi.
Idora press-puli manfaatlarini targ‘ib qiluvchi Pentagon matbuot assotsiatsiyasi yangi qoidalari OAV erkinligiga to‘g‘ridan to‘g‘ri tahdid deb atadi. Ularning ta’kidlashicha, jurnalistlar har doim, hatto 2001 yil 11 sentabr teraktidan keyin ham Mudofaa vazirligi bo‘ylab to‘siqsiz harakatlangan.
Mavzuga oid

15:06 / 08.06.2025
WSJ: Pentagon yillar davomida NUJ haqida yolg‘on ma’lumotlar tarqatib kelgan

20:32 / 05.06.2025
Pentagon katta kemalarni yo‘q qiladigan aviabombani sinovdan o‘tkazdi

10:05 / 04.06.2025
Pentagon fuqarolik xodimlariga IIVga chegarada vaqtincha yordam berishga ruxsat berdi

18:44 / 22.05.2025