Litva Belarus ustidan BMT Xalqaro sudiga da’vo kiritdi
Bunga Belarus noqonuniy migratsiyani tashkil etgani sabab qilib ko‘rsatilgan. Litva idoralari mazkur ayblovlarni tasdiqlovchi dalillarni to‘plashga muvaffaq bo‘lgan.

Foto: Getty images
Litva hukumati BMT Xalqaro sudiga da’vo kiritib, Belarusni noqonuniy migratsiyani tashkil etgani uchun javobgarlikka tortishni talab qilmoqda. Bu haqda Litva TIV press-relizida so‘z boradi.
Qayd etilishicha, 2021 yildan boshlab Litva Belarusdan kirib kelayotgan noqonuniy migrantlar oqimining «misli ko‘rilmagan darajada oshishi»ga duch kelmoqda. Litva idoralari Belarus hukumatining migratsiya oqimlarini tashkil etishdagi ishtirokini tasdiqlovchi dalillarni to‘plagan.
Bayonotga ko‘ra, Belarus hukumati buning uchun Yaqin Sharq va boshqa mintaqalardan aviaqatnovlar sonini ko‘paytirgan, viza berishni va kelgan migrantlarni joylashtirishni tashkil qilgan hamda ularning ko‘pchiligini Litva chegarasiga olib borgan. Natijada bu migrantlar chegarani noqonuniy ravishda kesib o‘tishga majbur bo‘lgan.
Ta’kidlanishicha, Belarus chegara xizmatlari Litva hukumati bilan noqonuniy migratsiyani to‘xtatish bo‘yicha hamkorlik qilishdan bosh tortgan. Litva buni Belarus hukumatining mamlakatdagi demokratiyani qo‘llab-quvvatlagan Yevropa Ittifoqiga siyosiy bosim o‘tkazish vositasi sifatida migratsiyadan foydalanishga urinish deb baholamoqda.
Litvaning suddagi talablari quyidagilarni o‘z ichiga oladi: Belarus tomonidan yetkazilgan zararni, jumladan, chegara bo‘ylab devor qurish xarajatlarini to‘liq qoplash va bunday holatlar boshqa takrorlanmasligi kafolatlarini ta’minlash.
2024 yilda Litva Aleksandr Lukashenko rejimi tomonidan amalga oshirilgan insoniyatga qarshi jinoyatlar bo‘yicha tergov boshlashni so‘rab, Xalqaro jinoiy sudga murojaat qilgandi.
Chegaradagi migratsiya inqirozi 2021 yilning bahorida, Belarusga kelgan Yaqin Sharq va Afrika davlatlari fuqarolari Litva hamda Polshaga o‘tishga uringanida boshlangan edi. Aleksandr Lukashenko o‘shanda Minsk migrantlarning Yevropaga o‘tishiga xalaqit bermasligini aytgandi, uning so‘zlariga ko‘ra, Yevropa davlatlari Belarusga qarshi «gibrid urushni boshlagan».
Tavsiya etamiz
Urush boshlandi, Netanyahu eronliklarni isyonga chorladi – hafta dayjesti
Jahon | 20:41 / 15.06.2025
«Siti» va «Real»da qayta qurish boshlandi. Yozning ilk haftalaridagi transferlar
Sport | 18:12 / 15.06.2025
AQSh–Eron muzokaralari taqdiri nima bo‘ladi?
Jahon | 23:29 / 14.06.2025
Parkentda 3 bola suvga cho‘kib halok bo‘ldi
Jamiyat | 20:35 / 14.06.2025
So‘nggi yangiliklar
-
O‘zbekistonda Toshkent – Bali yo‘nalishida tarixdagi birinchi to‘g‘ridan to‘g‘ri reys yo‘lga qo‘yilmoqda
Jamiyat | 19:00 / 17.06.2025
-
«Andijon do‘ppisi» va «So‘qoq somsasi» geografik ko‘rsatkich sifatida ro‘yxatga olindi
O‘zbekiston | 00:51
-
Ispaniya va Portugaliyada aprel oyida yuz bergan blekaut sabablari aniqlandi
Jahon | 00:22
-
AQSh Eronning yadro inshootlariga zarba berishi mumkin – OAV
Jahon | 23:48 / 17.06.2025
Mavzuga oid

13:48 / 12.06.2025
Rossiya ichki ishlar vaziri «foydasiz» migrantlarni chiqarib yuborishga chaqirdi

23:19 / 10.06.2025
O‘zbekiston elchixonasi Moskvadagi holat yuzasidan Rossiyaga nota yubordi

22:32 / 10.06.2025
Rossiyada maktabga qabul qilinmagan 300 ming migrant bolalari borligi ma’lum qilindi

21:30 / 10.06.2025