Qoʻshimcha funksionallar
-
Tungi ko‘rinish
Ispaniya va Portugaliyada aprel oyida yuz bergan blekaut sabablari aniqlandi
Elektr energiyasi ta’minotidagi ommaviy uzilish (blekaut) kiberhujum bilan bog‘liq emas.

Foto: Reuters
Elektr tarmog‘idagi kuchlanishni nazorat qilish uchun quvvatning yetishmasligi 28 aprel kuni Ispaniya va Portugaliyada elektr ta’minotidagi ommaviy uzilishga olib kelgan zanjirli reaksiyaga sabab bo‘ldi. Bu haqda Ispaniya energetika vaziri Sara Aagesen ma’lum qildi.
17 iyun kuni e’lon qilingan tergov hisobotiga ko‘ra, ba’zi elektr stansiyalari elektr ta’minoti uzilishidan oldingi daqiqalarda tarmoqdagi kuchlanishni nazorat qilolmagan.
Aagesen so‘zlariga ko‘ra, «tizim dinamik kuchlanishni nazorat qilish uchun yetarli imkoniyatlarga ega emas edi».
Uning ta’kidlashicha, elektrostansiyalar «kuchlanishni nazorat qilishi kerak edi va bundan tashqari, ularning ko‘pchiligi buning uchun iqtisodiy jihatdan mukofot ham oladi». Oqibatda ular g‘ayritabiiy yuqori kuchlanish sharoitida kutilgan barcha reaktiv quvvatni o‘zlashtira olmadi. Tergov kiberhujumga oid hech qanday dalil topmadi, dedi Aagesen.
Aprel oyi oxirida Ispaniya Oliy sudi elektr ta’minotining ommaviy o‘chirilishi kiberhujum oqibatimi yoki yo‘qligini aniqlash uchun tergov boshlanganini e’lon qildi. Sudya milliy kiberxavfsizlik agentligi va elektr tarmoqlari operatoriga uzilish sabablari bo‘yicha hisobot taqdim etishni buyurdi va «kiberterrorizm ko‘rib chiqilayotgan versiyalardan biri» ekanini ta’kidladi. Shu sababli, ish maxfiylashtirildi.
Elektr ta’minotidagi keng ko‘lamli uzilish Pireney yarimorolining katta qismi va Fransiyaning bir qismiga ta’sir ko‘rsatdi. Uzilish vaqtida Ispaniya atom elektr stansiyalari to‘xtab qoldi, butun temiryo‘l infratuzilmasi falaj bo‘ldi. Uzilishdan ko‘rilgan iqtisodiy zarar 2,25 milliard yevrodan 4,5 milliard yevrogacha bo‘lishi mumkin.
Tavsiya etamiz
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
O‘zbekistonning 5 ta viloyatida sel xavfi e’lon qilindi
O‘zbekiston | 13:18 / 08.07.2025
So‘nggi yangiliklar
-
Linda Yakkarino X ijtimoiy tarmog‘i bosh direktorligidan ketdi
Jahon | 22:16
-
Nega ba’zi demokratiyalar agressiv?
Jahon | 21:27
-
Shavkat Mirziyoyev Toshkent va Yangi Toshkent shahri uchun «Yechimlar atlasi» taqdimoti bilan tanishdi
O‘zbekiston | 21:25
-
Ukrainada «Neptun» raketasiga oid maxfiy ma’lumotlarni o‘g‘irlashga uringan xitoylik josuslar ushlandi
Jahon | 21:14
Mavzuga oid

13:20
Ispaniya va Fransiyada o‘rmon yong‘inlari avj oldi

07:44 / 08.07.2025
Ispaniya O‘zbekistonda charm klasterini tashkil etishi mumkin

17:45 / 04.07.2025
Chexiyada blekaut yuz berdi

17:05 / 30.06.2025