Bayden saratonga chalingani haqidagi xabarlarga izoh berdi

AQSh sobiq prezidenti Jo Bayden o‘zida saratonning agressiv shakli topilgani haqida ilk bor izoh berdi.

«Saraton barchamizga ta’sir qiladi. Ko‘pchiligingiz kabi Jill (sobiq birinchi xonim Jill Bayden) va men ham qiyin bo‘lgan vaziyatda eng kuchli ekanimizni bilib oldim. Bizga muhabbat va qo‘llab-quvvatlash bilan dalda berayotganingiz uchun tashakkur», deb yozdi Bayden ijtimoiy tarmoqda.

Avvalroq, Jo Baydenga prostata bezi saratoni tashxisi qo‘yilgan edi. Sobiq prezident va uning oilasi davolanish imkoniyatlarini ko‘rib chiqmoqda.

Shifokorlar so‘zlariga ko‘ra, Baydenning prostata saratoni 4-bosqichi allaqachon suyaklariga o‘tib ketgan va bu kasallikning eng xavfli bosqichi, uni davolab bo‘lmaydi. Shu bilan birga, onkologiya sohasidagi yetakchi mutaxassislar zamonaviy tibbiyot bunday tashxis qo‘yilgan bemorlarga yaqinda bo‘lgani kabi oylar emas, balki yillar davomida yashashga imkon berishini ta’kidladi.

AQSh prezidenti Donald Tramp o‘zidan oldingi prezidentga saraton tashxisi qo‘yilgani haqidagi xabarga izoh berib, uning tezda shifo topib ketishini tiladi.