Toshkentdagi Singapur menejmentni rivojlantirish institutida ochiq eshiklar kuni o‘tkaziladi

Shu kuni siz hamkor institutlar, dasturlar, talabalar uchun yaratilgan shart-sharoitlar, qabul talablari, ichki imtihon hamda tayyorlov kurslari haqida yaqindan tanishib chiqishingiz mumkin bo‘ladi.

Siz uchun ushbu kunda institutning Show Biz Club a’zolari tomonidan musiqiy tadbir ham o‘tkaziladi.

Ochiq eshiklar kunida oliygohga tashrif buyurgan mehmonlarni maxsus ko‘ngillilar guruhi qarshi olib, TSMRIdagi ta’lim tizimi, o‘quv dasturlari, mavjud yo‘nalishlar, fanlar hamda pedagoglar bilan yaqindan tanishtirishadi.

Shuningdek, abituriyentlar o‘qishga kirishning asosiy talab va mezonlari bilan ham batafsil tanishtiriladi.

Ekskursiya davomida abituriyentlar institutning darsxonalari, kutubxonasi, oshxonasi, sportzal, ochiq maydon hamda suzish havzasida ham bo‘lib, u yerdagi shart-sharoitlar bilan yaqindan tanishish imkoniyatiga ega bo‘ladi.

Ma’lumot o‘rnida: Toshkent shahridagi Singapur menejmentni rivojlantirish instituti 2007 yil 5 sentabrdagi PQ-691-sonli qaroriga ko‘ra tashkil etilgan. Ayni damda institutda Buyuk Britaniyaning Edinburgh Napier, Sunderland hamda Tesside universitetlarining o‘quv dasturlari asosida O‘zbekiston, MDH va boshqa xorijiy davlat fuqorolari uchun moliya, menejment, turizm, moda mahsuloti va uning targ‘iboti, biznesda kompyuter texnologiyalari kabi yo‘nalishlarda kasbiy rivojlanish uchun keng imkoniyatlar yaratilgan.

Batafsil ma’lumot uchun raqamlar: +99871271-77-02, +99878113-77-02

Reklama huquqi asosida