Odam savdosida ayblangan o‘zbekistonlik ayol O‘mondan ekstraditsiya qilindi

Interpol Maskat Milliy markaziy byurosi xodimlari kuzatuvida O‘mondan O‘zbekistonga odam savdosida ayblanayotgan fuqaro ekstraditsiya qilindi.

Qayd etilishicha, ushbu fuqaro xalqaro qidiruvda bo‘lgan. Interpol kanallari orqali qidiruvdagi shaxsning O‘mon hududida ekani aniqlangan. U joriy yilning aprel oyida ushbu mamlakatda hibsga olingan.

Tashrif davomida olib borilgan muzokaralar va o‘rnatilgan ikki tomonlama aloqalar tufayli O‘zbekiston Bosh prokuraturasining ayblanuvchini topshirish to‘g‘risidagi iltimosnomasini amalda bajarish bo‘yicha kelishuvga erishilgan.

Toshkentdagi Islom Karimov nomidagi Xalqaro aeroportda qidiruvda bo‘lgan shaxs Interpol Milliy markaziy byurosi va respublika huquqni muhofaza qilish organlari vakillariga topshirilgan.

Eslatib o‘tamiz, may oxirlarida Toshkent Interpol Milliy markaziy byurosi xodimlarining hamrohligida O‘mondan O‘zbekistonga ikki nafar jinoyatchi ayol ekstraditsiya qilingan edi.