"Aloqa Finance Development mikromoliya tashkiloti" o‘z faoliyatini boshladi

O‘zbekiston Respublikasi prezidentining 2023-yil 10-noyabrdagi PQ-364-sonli "Tadbirkorlik faoliyatini rivojlantirishda mikromoliya xizmatlarining o‘rni va ulushini oshirish bo‘yicha qo‘shimcha chora-tadbirlar” to‘g‘risidagi qarori asosida, Respublikada mikromoliya xizmatlarini kengaytirish va kichik, mikro biznes sub’yektlariga mikromoliyaviy xizmatlar ko‘rsatish maqsadida yangi tashkilot, ya’ni "Aloqa Finance Development mikromoliya tashkiloti" o‘z faoliyatini boshladi.

Foto: Aloqabank

"Aloqa Finance Development mikromoliya tashkiloti" — Aloqabank tomonidan tashkil etilgan bo‘lib, uning vazifasi mikrobiznes egalariga va yangi biznes boshlashni maqsad qilgan, lekin moliyaviy imkoniyatlari yetarli bo‘lmagan jismoniy shaxslarga mikromoliya xizmatlarini ko‘rsatishdir.

Tashkilot faoliyati natijasida mikrobizneslar va bo‘lajak tadbirkorlar mikromoliyaviy xizmatlar olishi osonlashib, mamlakatda kichik bizneslarning soni ortadi va iqtisodiy rivojlanishga katta hissa qo‘shiladi.

"Aloqa Finance Development mikromoliya tashkiloti" faoliyati jismoniy shaxslar, o‘zini-o‘zi band qilgan shaxslar, yakka tartibdagi tadbirkorlarga va boshqa kichik biznes sub’yektlariga o‘z bizneslarini boshlash va rivojlantirish, yangi ish o‘rinlarini yaratishni rag‘batlantirishga yo‘naltirilgan. Shu maqsadda ularga barcha turdagi mikromoliya xizmatlarini oson va qisqa muddatlarda taqdim etadi.

"Aloqa Finance Development mikromoliya tashkiloti" ning o‘z faoliyatini boshlashi tadbirkorlikni rivojlantirishda, tadbirkorlar sonining ortishida va yangi ish o‘rinlarining yaratilishida yangi bosqich bo‘ldi.