"Aloqa Finance Development mikromoliya tashkiloti" ўз фаолиятини бошлади

Ўзбекистон Республикаси президентининг 2023-йил 10-ноябрдаги ПҚ-364-сонли "Тадбиркорлик фаолиятини ривожлантиришда микромолия хизматларининг ўрни ва улушини ошириш бўйича қўшимча чора-тадбирлар” тўғрисидаги қарори асосида, Республикада микромолия хизматларини кенгайтириш ва кичик, микро бизнес субъектларига микромолиявий хизматлар кўрсатиш мақсадида янги ташкилот, яъни "Aloqa Finance Development mikromoliya tashkiloti" ўз фаолиятини бошлади.

Фото: Алоқабанк

"Aloqa Finance Development mikromoliya tashkiloti" — Алоқабанк томонидан ташкил этилган бўлиб, унинг вазифаси микробизнес эгаларига ва янги бизнес бошлашни мақсад қилган, лекин молиявий имкониятлари етарли бўлмаган жисмоний шахсларга микромолия хизматларини кўрсатишдир.

Ташкилот фаолияти натижасида микробизнеслар ва бўлажак тадбиркорлар микромолиявий хизматлар олиши осонлашиб, мамлакатда кичик бизнесларнинг сони ортади ва иқтисодий ривожланишга катта ҳисса қўшилади.

"Aloqa Finance Development mikromoliya tashkiloti" фаолияти жисмоний шахслар, ўзини-ўзи банд қилган шахслар, якка тартибдаги тадбиркорларга ва бошқа кичик бизнес субъектларига ўз бизнесларини бошлаш ва ривожлантириш, янги иш ўринларини яратишни рағбатлантиришга йўналтирилган. Шу мақсадда уларга барча турдаги микромолия хизматларини осон ва қисқа муддатларда тақдим этади.

"Aloqa Finance Development mikromoliya tashkiloti" нинг ўз фаолиятини бошлаши тадбиркорликни ривожлантиришда, тадбиркорлар сонининг ортишида ва янги иш ўринларининг яратилишида янги босқич бўлди.