Adidas va Volkswagen natsistlarning hokimiyat tepasiga kelishiga javobgarligini tan oldi

49 ta nemis kompaniyasi, jumladan, Adidas, Volkswagen, Bosch va BMW 1930 yili Germaniyadagi milliy-sotsialistik rejimga ko‘maklashishdagi aybini tan olib, qo‘shma bayonot imzoladi. Hujjat Ikkinchi jahon urushi yakunlanganining 80 yilligi munosabati bilan Frankfurter Allgemeine Zeitung nashri tomonidan e’lon qilindi.

Bayonotda qayd etilishicha, biznesning ishtirokisiz Adolf Hitler 1933 yilda hokimiyat tepasiga kelishi imkonsiz bo‘lgan bo‘lardi. Mualliflarga ko‘ra, natsistlar tomonidan o‘sha davrda sodir etilgan jinoyatlar xotirasini saqlash — biznes zimmasiga ham yuklanadi.

«1933 yil hamda undan keyin ko‘pchilik sukut saqladi va yuz o‘girdi. Bu esa bizning mas’uliyatimizni yuzaga keltiradi — o‘tmish, hozirgi zamon va kelajak uchun», — deyiladi hujjatda.

Hujjatni imzolaganlar orasida Bayer, BASF, Bosch, Evonik, Siemens, Deutsche Bahn, Volkswagen, Lufthansa i Rheinmetall va Adidas kompaniyalari ham bor.

Avvalroq Tramp 11 noyabr – Amerika milliy faxriylar kuni (Buyuk Britaniyada uni Xotira kuni sifatida nishonlashadi) Birinchi jahon urushida qozonilgan G‘alaba kuni deb o‘zgartirilishini e’lon qilgandi. Tramp buni Qo‘shma Shtatlarning Germaniya imperiyasi ustidan qozonilgan g‘alabaga qo‘shgan hissasini to‘g‘ri baholash zarurati bilan izohlagan. Shunindek, u 8 may sanasini Ikkinchi jahon urushida qozonilgan G‘alaba kuni deb e’lon qilish haqida farmoyish bergan.