Toshkent aeroportida yuklarni saqlash uchun avtomatik javonlar paydo bo‘ldi

Xalqaro terminalda yuk saqlash narxi - bagaj hajmiga qarab 1 soat uchun 40 ming so‘mgacha. Mahalliy aviaqatnovlar terminalida esa yuklarni saqlash narxi soatiga 10 ming so‘mni tashkil etadi.

Foto: Uzbekistan Airports

Toshkent aeroportining xalqaro va mahalliy aviaqatnovlar terminallarida yo‘lovchilar o‘z yuklarini tashlab, shaharda vaqt o‘tkazishi mumkin bo‘lgan avtomatik javonlar o‘rnatildi, deb xabar beradi Uzbekistan Airports.

Xalqaro terminalda yuklarni saqlash javoni:

jo‘nash terminalining birinchi qavatida joylashgan (4chi kirish/chiqish eshigi yonida);
24/7 ishlaydi;
yuklarni saqlash narxi — bagaj hajmiga qarab 1 soat uchun 15 000 so‘mdan 40 000 so‘mgacha;
ruxsat etilgan o‘lchamlar — standart — 60x50x80 sm, o‘rta — 90x50x80 sm va katta — 180x50x80 sm.

Mahalliy aviaqatnovlar terminalidagi saqlash javoni:

terminal ichida uchib ketish va uchib kelish zallari o‘rtasida joylashgan;
24/7 ishlaydi;
yuklarni saqlash narxi soatiga 10 000 so‘m (barcha turdagi bagaj uchun yagona tarif);
ruxsat etilgan o‘lchamlar — kichik — 43x50x34 sm, standart — 60x50x80 sm.

Avtomatik yuklarni saqlash javoni uchun to‘lov quyidagi tartibda amalga oshiriladi: saqlash joyi tanlanadi va naqd pul yoki bank kartalari orqali amalga oshiriladi. Ta’kidlanishicha, ushbu yuklarni saqlash joylari E-austion.uz platformasidagi auksion yakunlari bo‘yicha o‘rnatilgan.

#Toshkent aeroporti #terminal