Qoʻshimcha funksionallar
-
Tungi ko‘rinish
Rossiya qo‘shini Sumi markaziga raketa zarbalari yo‘lladi. O‘nlab qurbonlar bor
30 dan ortiq kishi halok bo‘lib, 80 dan ortiq kishi yaralangan. «Ablahlargina shunday yo‘l tutishi mumkin», dedi Zelenskiy.

Foto: AP / Scanpix / LETA
13 aprel tongida rossiyalik harbiylar Sumi shahri markazi bo‘ylab ikkita raketa zarbasi berdi.
Ukraina favqulodda vaziyatlar davlat xizmatining so‘nggi ma’lumotlariga ko‘ra, o‘qqa tutish oqibatida 34 kishi halok bo‘lgan, shundan ikki nafari bolalar. Yana kamida 117 kishi jarohatlangan. Yaralanganlar orasida — 17 nafar bola ham bor.

Hujum oqibatlari o‘rganilmoqda. Sumi oblasti harbiy ma’muriyati hujumdan keyin shahar markazida olingan foto va videolarni tarqatmoqda. Kadrlarda shaharda kamida bitta noturar joy binosi shikastlangani, bir necha mashina yonib ketgani ko‘ringan.
Bundan tashqari, mahalliy telegram-kanallarda joylashtirilgan videoda shahar ko‘chalaridan birida kuchli yong‘in bo‘layotgani aks etgan.
Ijtimoiy tarmoqlardagi roliklarda zarba oqibatida bitta trolleybus ham shikastlanganini ko‘rish mumkin.
BBC Ukraina xizmatiga ko‘ra, Sumi davlat universitetining Kongress-markazi zarba ostida qolgan, bu yerda ko‘pincha bolalar uchun mashg‘ulotlar o‘tkazilgan.
«Odamlar ko‘chaning qoq o‘rtasida, avtomobillarda, jamoat transportida ketayotganida, uyida o‘tirganida jarohat olgan. Politsiya zarba zonasiga kirishni cheklab qo‘ydi», – dedi Ukraina IIV rahbari Igor Klimenko. O‘qqa tutilgan joyda qutqaruv ishlari va hujum oqibatlarini bartaraf etish ishlari olib borilmoqda.

«Rossiya ballistikasining Sumiga dahshatli zarbasi. Dushman raketalari oddiy shahar ko‘chasiga, oddiy hayotga: uylarga, o‘quv yurtlariga, ko‘chadagi mashinalarga zarba berdi... Va bu odamlar cherkovga boradigan kunda, – deya izohladi Ukraina prezidenti Volodimir Zelenskiy. – Dastlabki ma’lumotlarga ko‘ra, gap tinch aholi vakillari orasidagi o‘nlab qurbonlar va yaradorlar haqida ketmoqda. Faqat ablahlargina shunday qilishi mumkin. Oddiy odamlarning hayotini olib».
Zelenskiy AQSh, Yevropa va jahonning boshqa mamlakatlarini shahar o‘qqa tutilishiga qat’iy munosabat ko‘rsatishga chaqirgan. «Rossiya aynan shunday terrorni va bu urushni cho‘zishni istaydi. Tajovuzkorga bosim o‘tkazmasdan tinchlikka erishib bo‘lmaydi. Quruq gaplar hech qachon ballistika va aviabombalarni to‘xtata olmagan. Rossiyaga terrorchi munosib bo‘lgan munosabat ko‘rsatish kerak», — deya qo‘shimcha qilgan u.
Tavsiya etamiz
Odamlar eng tez va sekin qariydigan mamlakatlar aniqlandi
Jahon | 21:57 / 17.07.2025
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
20 iyuldan boshlab 1-2 kunga xorijga chiqqanlar O‘zbekistonga bojsiz tovar olib kirolmaydi
Iqtisodiyot | 19:31 / 15.07.2025
Bolalarni itdek vovullatgan «defektolog»ga yangi jinoiy ish ochildi
Jamiyat | 18:06 / 15.07.2025
So‘nggi yangiliklar
-
Ukraina Rossiyaga kelasi hafta yangi muzokaralar o‘tkazishni taklif qildi – Zelenskiy
Jahon | 23:10 / 19.07.2025
-
Xitoy Tibetda dunyodagi eng yirik GES qurishni boshladi
Jahon | 22:48 / 19.07.2025
-
Ozarboyjon AZAL samolyoti halokati bo‘yicha Rossiyaga qarshi xalqaro da’vo tayyorlamoqda
Jahon | 22:12 / 19.07.2025
-
Klasterlarning fermerlar oldida juda katta qarzdorligi bor - Qudbiyev
Iqtisodiyot | 21:56 / 19.07.2025
Mavzuga oid

23:10 / 19.07.2025
Ukraina Rossiyaga kelasi hafta yangi muzokaralar o‘tkazishni taklif qildi – Zelenskiy

07:53 / 19.07.2025
Rossiya va Ukraina yana halok bo‘lgan askarlar jasadini almashdi

07:29 / 19.07.2025
NATO: Patriot'ni Ukrainada tezkor joylashtirishga tayyorgarlik ko‘rilmoqda

23:30 / 18.07.2025