Tabiiy gazdan go‘shtgacha – 86 turdagi tovarlarga eksport boji joriy etildi
2025 yil 1 iyuldan go‘sht mahsulotlari, bug‘doy, don, guruch, mineral o‘g‘itlar, charm xomashyosi va yarim tayyor charm mahsulotlar, shuningdek, tabiiy gaz, paxta tolasi kabi strategik xomashyo mahsulotlariga eksport bojxona bojlari joriy etildi. Qator holatlarda eksport bojlari bekor qilinayotgan yig‘imlar o‘rnini egallaydi. Shu tariqa, eksport tartib-taomillari JST qoidalariga muvofiqlashtirilishi ma’lum qilindi.

Foto: Kun.uz
2025 yil 14 martda prezidentning “Mahsulotlar eksporti tartib-taomillarini takomillashtirish va qo‘shilgan qiymatga ega tayyor mahsulotlar ishlab chiqarishni rag‘batlantirish chora-tadbirlari to‘g‘risida”gi farmoni qabul qilindi. Bu haqda Bojxona qo‘mitasi xabar bermoqda.
Farmonni qabul qilishdan asosiy maqsad eksport tartib-taomillarini Jahon savdo tashkiloti qoidalariga muvofiqlashtirish hisoblanadi.
Farmon bilan 2025 yil 1 iyuldan boshlab 86 turdagi quyidagi tovarlarga eksport bojxona bojlari joriy etildi va ularning stavkalari tasdiqlandi:
- Charm xomashyosi va yarim tayyor charm mahsuloti, ipak xomashyosi, paxta ip-kalavasi va trikotaj mato tovarlariga (amalda mazkur tovarlarni eksport qilish uchun uyushmalarning yig‘imlari belgilangan bo‘lib, endilikda ular bekor qilindi);
- Go‘sht mahsulotlari, bug‘doy, don, guruch, mineral o‘g‘itlar, charm xomashyosi, PeT chiqindilar, rangli metallom va chiqindilariga (amalda ushbu tovarlarga O‘zbekiston Respublikasi prezidenti yoki hukumatning qarorlari asosida ruxsat berilgan holda eksport qilish mumkin edi. Endi ushbu talablar bekor qilindi);
- O‘zbekistonda qo‘shilgan qiymat yaratish, qayta ishlash sanoatini qo‘llab-quvvatlash maqsadida respublikada ishlab chiqariladigan strategik xomashyo mahsulotlariga (tabiiy gaz, paxta tolasi, paxta linti, mineral o‘g‘itlar, polietilen, polipropilen, polisterol, polietilentereftalat, PVX, mis xomashyosi);
Mazkur farmon eksport tartib-taomillarini yanada takomillashtirish, mahalliy xomashyo asosida qo‘shilgan qiymatga ega tayyor mahsulot ishlab chiqarishni rag‘batlantirish va qayta ishlash sanoatining investitsiyaviy jozibadorligini oshirishga xizmat qilishi ta’kidlanmoqda.
Avvalroq bojxonada yuk mashinasini bo‘laklarga bo‘lib olib kirishga urinish aniqlangani ma’lum qilingandi. Hujjatlarda avtomobilning 11 turdagi ehtiyot qismlari deb ko‘rsatilgan yuklar aslida yaxlit bitta tovar – tayyor holatdagi samosvalning bo‘laklari bo‘lib chiqqan. Bojxona qo‘mitasiga ko‘ra, bu orqali yuk egasi 800 mln so‘mlik bojxona to‘lovidan qochmoqchi bo‘lgan. Iqtisodchilar bunday holatlar mahalliy ishlab chiqaruvchini himoyalash uchun joriy etilgan yuqori bojlarning oqibati ekanini ta’kidladi.
Tavsiya etamiz
Nima uchun Koreyani tanlash yoki tanlamaslik kerak? | SUBYEKTIV
Jamiyat | 19:02 / 30.06.2025
Urush tugadi, endi Isroil va Eron nima qiladi?
Jahon | 12:02 / 30.06.2025
Ko‘chmas mulk savdosini naqdsiz shaklga o‘tkazish rejalashtirilyapti
Iqtisodiyot | 11:26 / 30.06.2025
Hindistonda o‘n millionlab odam uran bilan ifloslangan suvni ichmoqda - olimlar
Jahon | 09:01 / 30.06.2025
So‘nggi yangiliklar
-
Xitoy YeIni «global barqarorlik» uchun o‘zaro hamkorlikka chaqirdi
Jahon | 08:03
-
MRB Rossiyaning saylovlarga aralashuviga oid hisobotdagi xatoliklar haqida ma’lumot berdi
Jahon | 07:56
-
Isroilning G‘azoga ertalabki hujumi oqibatida 29 falastinlik halok bo‘ldi
Jahon | 07:44
-
BMT: G‘azoda atigi 4,6 foiz foydalanishga yaroqli ekin maydoni qoldi
Jahon | 07:41
Mavzuga oid

09:46 / 26.06.2025
O‘zbekiston ayrim import tovarlariga qo‘llanadigan ikki karra bojni bekor qiladi

13:06 / 25.06.2025
6,5 mlrd dollarlik oltin sotuvi, keskin oshib borayotgan gaz eksporti – O‘zbekiston tashqi savdosi sharhi

09:23 / 24.06.2025
Shavkat Mirziyoyev eksportchi korxonalarni qo‘llab-quvvatlash bo‘yicha topshiriq berdi

14:45 / 18.06.2025